Հայաստանում չկան ադրբեջանական ռազմագերիներ, երկուսը Ղարաբաղի տարածքում են

ՏԱՎՈՒՇ, 4 նոյեմբերի. /Նովոստի-Արմենիա/. Հայաստանի տարածքում ադրբեջանական ռազմագերիներ չկան, Ադրբեջանի երկու քաղաքացիներ գտնվում են Ղարաբաղի տարածքում, հինգշաբթի լրագրողներին է հայտնել ՀՀ պաշտպանության նախարարության մամուլի քարտուղար Դավիթ Կարապետյանը:

Ըստ նրա, Լեռնային Ղարաբաղի Հազարապետության սահմանը հատած և դիվերսիոն գործողություններ իրականացրած երկու ադրբեջանցիները գտնվում են Ղարաբաղի տարածքում և նրանց վերադարձման հարցը Ղարաբաղի իշխանությունների լիազորությունների մեջ է մտնում:

«Այդ հարցերի պատասխանները լավ կլինի ստանալ ղարաբաղյան իշխանություններից»,- ասաց Կարապետյանը:

Նրա խոսքով, Կարմիր Խաչի միջազգային կոմիտեն այս հարցի շուրջ բանակություններ է վարում ԼՂՀ իշխանությունների հետ:

Երևանը Բաքվին է հանձնել նախորդ տարվա դեկտեմբերի վերջին հայկական սահմանն անօրինական հատած Ադրբեջանի քաղաքացի Հելդար Տագիևին՝ փոխարենը ստանալով ադրբեջանական գերության մեջ զոհված հովիվ Մանվել Սարիբեկյանի մարմինը։ Փոխանակումը տեղի է ունեցել ի կատարումն Հայաստանի, Ադրբեջանի և Ռուսաստանի նախագահների կողմից 2010 թվականի հոկտեմբերի 27-ին Աստրախանում ստորագրած համաձայնագրի՝ նոյեմբերի 4-ին, ժամը 12։00-ին հայ-ադրբեջանական շփման գծի հյուսիս-արևելյան ուղղության Իջևան-Քասախ ճանապարհահատվածի վրա։ -0-