Վեց հայ զինծառայող և մեկ ընտանիք ադրբեջանական գերության մեջ են. ՀՀ ՊՆ

Ադրբեջանի տարածքում գերության մեջ են գտնվում վեց զինծառայողներ և քաղաքացիական մեկ ընտանիք, տեղեկացնում է պաշտպանության նախարարի մամուլի քարտուղար Դավիթ Կարապետյանը։

«Հայաստանի պաշտպանության նախարարությունը կատարել է Աստրախանում գերիների փոխանակման վերաբերյալ ձեռք բերած պայմանավորվածությունները։ Մենք ակնկալում ենք, որ Ադրբեջանը նույնպես վճռականություն կդրսևորի և առաջիկայում կվերադարձնի մեզ հայ գերիներին»,- նախորդ տարվա դեկտեմբերին հայկական սահմանը հատած ադրբեջանցի Հելդար Տագիևի փոխանցման ժամանակ ասաց նա։
 
Փոխարենը հայկական կողմը ստացել է հայ հովիվ Մանվել Սարիբեկյանի մարմինը։

Կարմիր Խաչի Միջազգային Կոմիտեի ներկայացուցիչները և Հայաստանի Զինված ուժերը ստորագրել են ադրբեջանական կողմին Տագիևի փոխանցման մասին վկայագիրը։

Փոխանակումը տեղի է ունեցել ի կատարումն Հայաստանի, Ադրբեջանի և Ռուսաստանի նախագահների կողմից 2010 թվականի հոկտեմբերի 27-ին Աստրախանում ստորագրած համաձայնագրի՝ նոյեմբերի 4-ին, ժամը 12։00-ին հայ-ադրբեջանական շփման գծի հյուսիս-արևելյան ուղղության Իջևան-Քասախ ճանապարհահատվածի վրա։ -0-