Հայաստանի արտգործնախարար Էդվարդ Նալբանդյանը ընդունեց ԱՄԷ-ի արտաքին առևտրի նախարարին

Նոյեմբերի 3-ին արտգործնախարար Էդվարդ Նալբանդյանն ընդունեց ԱՄԷ-ի արտաքին առևտրի նախարար տիկին Շեյխա Լուբնա ալ-Կասիմիին, տեղեկացնում է ԱԳՆ մամուլի ծառայությունը:

Ողջունելով հյուրին` նախարար Նալբանդյանը նշեց, որ Հայաստանը կարեւորում է Արաբական Միացյալ Էմիրությունների հետ համակողմանի համագործակցության հետագա զարգացումը եւ հույս հայտնեց, որ արտաքին առեւտրի նախարարի պարբերական այցելությունները Հայաստան, այսօր մեկնարկած հայ-էմիրաթական ներակայցուցչական գործարար համաժողովը  նոր թափ կհաղորդեն երկու երկրների միջեւ առեւտրատնտեսական համագործակցության զարգացման, ներդրումային դաշտի ընդլայնման համար: Էդվարդ Նալբանդյանն ասաց նաեւ, որ Երեւանում ԱՄԵ դիվանագիտական ներկայացուցչության հիմնումը լուրջ խթան կհաղորդի երկկողմ հարաբերությունների ամրապնդմանը:  

Նախարար Նալբանդյանը նշեց, որ Հայաստանը հատուկ կարեւորություն է տալիս բարձր տեխնոլոգիաների զբոսաշրջության, անշարժ գույքի, գյուղատնտեսության, դեղագործության, վերականգնվող էներգետիկայի, կրթության, գիտության եւ այլ բնագավառներում փոխգործակցության զարգացմանը եւ պատրաստ է այդ ոլորտներում էմիրաթական ներդրողների համար անհրաժեշտ պայմաններ ստեղծել:

ԱՄԷ արտաքին առևտրի նախարարը շնորհակալություն հայտնեով ընդունելության, գործարար համաժողովի կազմակերպան հարցում ցուցաբերած աջակցության համար եւ փոխանցեց ԱՄԷ ԱԳ նախարար Աբդալլահ բին Զայեդ ալ Նահայանի ողջյուններն ու բարեմաղթանքները: 

Շեյխա Լուբնա ալ-Կասիմի ներկայացնելով գործարար համաժողովի ընթացքում տեղի ունեցած քննարկումները`ընդգծեց, որ միջոցառմանը մասնակցող 40 էմիրաթցի գործարարները հետաքրքրված են հայաստանցի գործընկերների հետ կապերի հաստատումով, ինչը դրական ազդեցություն կունենա  առեւտրատնտեսական համագործակցության զարգացման համար:

Հանդիպմանը քննարկվեցին հայ-էմիրաթական միջկառավարական հանձնաժողովի առաջին նիստի գումարմանն առնչվող հարցեր:-0-