Աշխարհի ամենաերկար ռևերսային՝ «Տաթևի թևեր» ճոպանուղին Հայաստանի հյուսիսում է։ Այն անցնում է աշխատանքի ձմեռային ռեժիմի, չորեքշաբթի հայտնում է Հայաստանի ազգային մրցունակության հիմնադրամը։
Եղանակային փոփոխությունների կապակցությամբ, Garaventa Doppelmayer շվեդավստրիական ընկերությունը, որի աշխատակիցներն աշխատում են ճոպանուղու վրա, հաղորդում է չորս օրով աշխատանքների դադարեցման մասին։
«Ճոպանուղին չի գործի մինչև առաջիկա շաբաթ օրը՝ ձմեռային ռեժիմի անցնելու կապակցությամբ։ Աշխատանքներն իրականացվում են ժամանակացույցի համաձայն»,- Հիմնադրամի մամուլի ծառայությունից մեջբերեցին «Տաթևի թևեր» ճոպանուղու կառավարիչ Տիգրան Ղազարյանի խոսքերը։
Նա նշել է, որ սարքավորումներն ընդհանուր առմամբ աշխատանքային վիճակում են, և աշխատանքներն անհրաժեշտ է իրականացնել տարին երկու անգամ՝ ձմեռային և ամառային ռեժիմի անցնելու ժամանակ։
«Տաթևի թևեր» աշխարհի ամենաերկար ռևերսային ճոպանուղու գործարկումը, որը տեղի ունեցավ հոկտեմբերի 16-ին հարյուրավոր հյուրերի և Հայաստանի բարձրագույն ղեկավարության ներկայությամբ, նշանավորեց Հայաստանի ազգային մրցունակության հիմնադրամի կողմից իրականացվող 45 մլն դոլար արժողությամբ «Տաթևի վերածնունդ» մասշտաբային նախագծի մեկնարկը։
Ճոպանուղու երկարությունը 5,7 կմ է, նրա ամենաբարձր կետը՝ 330 մետր, մեկ ուղղությամբ ճանապարհը Հալիձոր գյուղից դեպի Տաթևի հայտնի միջնադարյան վանքը կազմում է 11 րոպե։
Տաթևի ճոպանուղին հոկտեմբերի 23-ին ստացել է Գինեսի ռեկորդների գրքի վկայական՝ պաշտոնապես ամրագրելով աշխարհի ամենաերկար ռևերսային ուղևորատար ճոպանուղու իր կարգավիճակը։ -0-
