ՀՀԿ փոխնախագահը ժամանակավրեպ է համարում Հայաստանի խորհրդարանական ընտրությունների արդյունքների կանխատեսումը
ԵՐԵՎԱՆ, 2 նոյեմբերի. /Նովոստի-Արմենիա/. Այսօր Հայաստանում չկան համապատասխան քաղաքական պայմաններ 2012 թվականի Ազգային ժողովի ընտրությունների կանխատեսման համար, կարծում է Հայաստանի Հանրապետական կուսակցության փոխնախագահ, ՀՀԿ խորհրդարանական խմբակցության ղեկավար Գալուստ Սահակյանը։
2007 թվականին անցկացված ընտրությունների արդյունքներով, Հայաստանի չորրորդ գումարման Ազգային ժողովի կազմում են հինգ կուսակցություններ՝ ՀՀԿ, Բարգավաճ Հայաստան, «Օրինաց երկիր», ինչպես նաև ՀՅԴ և «Ժառանգություն» կուսաակցությունները։
«Միանշանակ ասել, թե ով որքան տոկոս կհավաքի, ժամանակից շուտ է, առավել ևս այս պահին, երբ չկան քաղաքական նախապայմաններ կամ նախընտրական ոգի, որպեսզի քաղաքական ուժերը կարողանային հստակ կարծիք հայտնել»,- երեքշաբթի լրագրողներին ասաց Սահակյանը:
Միաժամանակ նա վստահեցրեց, որ Հանրապետական կուսակցության կառույցները միշտ պատրաստ են ընտրություններին: «Մենք բավականաչափ կուսակցական գրասենյակներ ունենք, որոնք ամենօրյա աշխատանք են տանում ժողովրդի հետ»,- ասաց Սահակյանը: ՀՀԿ խմբակցության ղեկավարն ընդգծեց, որ իր հիմնական խնդիրն է այսօր համարում նախընտրական քարոզարշավի ընթացքում տրված խոստումների հետևողական իրականացումը:
Մասնավորապես նա նշեց, որ հատկապես ՀՀԿ ջանքերով հաջողվեց Հայաստանը դուրս բերել ճգնաժամից ու համագործակցության տարբեր ծրագրեր իրականացնել,մասնավորապես Ռուսաստանի ու Իրանի հետ: Նրա խոսքով, Հայաստանը համարյա միակ երկիրն է, որ ճգնաժամի պայմաններում պահպանել է սոցիալական հատվածի անձեռնմխելիությունը:
Միաժամանակ Սահակյանը նշեց, որ Հայաստանի ընդդիմադիր ուժերը գործնականորեն ոչինչ չեն արել նախորդ տարում:-0-
