Հայաստանի առաջնության բարձրագույն լիգայի լավագույն ֆուտբոլիստի անունը հայտնի կդառնա նոյեմբերի 20-ին
Հայաստան 2010 առաջնության բարձրագույն լիգայի «Լավագույն ֆուտբոլիստին» և «Լավագույն մարզչին» որոշող քվեարկության արդյունքները կամփոփվեն նոյեմբերի 20-ին, երկուշաբթի տեղեկացնում է Հայաստանի ֆուտբոլի ֆեդերացիայի մամուլի ծառայությունը։
Լավագույն ֆուտբոլիստի տիտղոսին են հավակնում ազգային առաջնությանը մասնակցող 11 մարզիկներ՝ Հրայր Մկոյան, Էդնեյ դը Օլիվեյրա («Միկա»), Էդուարդո Դոս Սանտոս, Հովհաննես Համբարձումյան, Վալտեր Պողոսյան («Բանանց»), Սարգիս Հովսեփյան, Գևորգ Ղազարյան, Դավիթ Մանոյան, Էդգար Մանուչարյան, Կառլեն Մկրտչյան, Մարկոս Պիզելի («Փյունիկ»)։
«Լավագույն մարզիչ» մրցույթին մասնակցում են Հայաստանի առաջնության բարձրագույն լիգայի մասնակից թիմերի ավագները։
ՀՖՖ-ն արդեն հայտարարել է քվեարկության մեկնարկի մասին, որի մասնակցության իրավունք ունեն Ֆեդերացիայի Գործադիր կոմիտեների անդամները, ակումբների նախագահները, 2010 Բարձրագույն լիգայի մասնակից թիմերի գլխավոր մարզիչներն ու ավագները, բարձրագույն լիգայի հանդիպումները սպասարկող մրցավարները և տեսուչները, ԶԼՄ-ների ներկայացուցիչները։
Միաժամանակ ֆեդերացիան հիշեցնում է, որ ակումբների ներկայացուցիչները կարող են քվեարկել իրենց ակումբը ներկայացնող թեկնածուների օգտին։ -0-
