Համաշխարհային տնտեսության աճը 2010 թվականին կարող է մինչև 4,5 տոկոս կազմել, ասել է FOREX CLUB-ի վերլուծական բաժնի պետ Անդրեյ Դիրգինը։
«Ներկայում համաշխարհային տնտեսությունն աստիճանաբար դուրս է գալիս ճգնաժամից, և կարելի է ասել, որ տեմպերը բավականին կայուն են։ Կանխատեսումները շատ դրական են, և ամեն ինչ կախված է նրանից, թե ինչ վիճակում է ԱՄՆ-ի տնտեսությունը»,- երկուշաբթի ասաց նա «Նովոստի» միջազգային մամուլի կենտրոնում:
Փորձագետը նշեց, որ ընթացիկ տարվա երրորդ եռամսյակում ԱՄՆ-ի տնտեսությունն աճել է 2 տոկոսով, իսկ հաշվի առնելով ԱՄՆ ՀՆԱ-ի նախորդ տարվա անկումը՝ սա «լավ նշան է ողջ համաշխարհային տնտեսության համար»։
Այս կապակցությամբ վերլուծաբանը պարզաբանեց, որ ամերիկյան տնտեսությունը այսօր թեև դանդաղ, բայց կայուն վերականգնվող է, և կարգավորիչը՝ Դաշնային պահուստային համակարգը, պահպանում է տնտեսությունը լիկվիդայնության «լիցքով»։
«Սակայն այնտեղ փակ շրջան է առաջացել՝ բիզնեսը վաղվա օրվա համար վստահ չէ, այդ պատճառով էլ չի ստեղծում աշխատատեղեր, համապատասխանաբար, բարձր է գործազրկության մակարդակը»,- ասաց նա՝ հավելելով, որ այդ շրջանից դուրս գալը շատ դժվար կլինի։
Խոսելով հետխորհրդային տարածքի պետությունների, մասնավորապես, Հայաստանի տնտեսական վիճակի մասին՝ Դիրգինն ասել է, որ այդ համատեքստում շատ կարևոր նշանակություն ունի Ռուսաստանի վիճակը։ -0-
