Հայաստանում ինը ամսվա ընթացքում կոնյակի արտադրությունն ավելացել է 17,5 տոկոսով

ԵՐԵՎԱՆ, 1 նոյեմբերի. /Նովոստի-Արմենիա/. Հայաստանում  ինը ամսվա ընթացքում կոնյակի արտադրությունն ավելացել է 17,5 տոկոսով և կազմել է  7994,1 հազար լիտր, հաղորդում է Հայաստանի ազգային վիճակագրական ծառայությունը:

«Միաժամանակ միայն սեպտեմբերին արտադրվել է 1193,1 հազար լիտր կոնյակ», - նշվում է տեղեկատվության մեջ:

Բացի այդ հունվար-սեպտեմբերին երկրում արտադրվել է 13 տոկոսով պակաս օղի (7207,6 հազար լիտր):

Միաժամանակ հաշվետու ժամանակահատվածում գրանցվել է գինու արտադրության աճ՝ 30,4 տոկոսով՝ հասնելով 3131,2 հազար լիտրի, արտադրվել է 8734,5 հազար լիտր գարեջուր՝ 2009 թ.-ի նույն ժամանակահատվածի 13079,1 հազար լիտրի համեմատ (66,7 տոկոսի անկում):

Ութ ամսվա ընթացքում շամպայն գինիների արտադրությունը կազմել է 226,2 հազար լիտր, ինչը 56,2 տոկոսով ավել է 2009 թ.-ի հունվար-սեպտեմբերի ցուցանիշից:

Վիճակագրական տվյալների համաձայն՝ ոչ ալկոհոլային խմիչքների (լիմոնադ, գազավորած և էներգետիկական խմիչքներ և այլն) արտադրությունն ավելացել է 0,4 տոկոսով՝ կազմելով 26,6 միլին լիտր: -0-