Հայաստանը տարբեր ոլորտներում Կանադայի հետ փոխգործակցության հնարավորություններ ու մեծ ներուժ է տեսնում. ՀՀ նախագահ
Հայաստանը տարբեր ոլորտներում Կանադայի հետ փոխգործակցության հնարավորություններ ու մեծ ներուժ է տեսնում,ա սել է ՀՀ նախագահ Սերժ Սարգսյանը Մոնրեալի քաղաքապետ Ժերալ Թրեմբլեի գլխավորած պատվիրակության հետ հանդիպման ժամանակ:
«Համաշխարհային տնտեսության մեջ Կանադայի ձեռբքերումներն զգալի են, և Հայաստանը տարբեր ոլորտներում Ձեր երկրի հետ փոխգործակցության հնարավորություններ ու մեծ ներուժ է տեսնում»,- ասել է նախագահ Սարգսյանը:
ՀՀ նախագահը նշել է, որ Հայաստանը բարձր է գնահատում հայ-կանադական հարաբերություններում ձևավորված մակարդակը և խորապես շահագրգռված է այդ հարաբերությունների զարգացմամբ ու համագործակցությամբ:
Ինչպես նշում են ՀՀ նախագահի մամուլի ծառայությունից, Սերժ Սարգսյանը շնորհակալություն է հայտնել Մոնրեալի բոլոր ժամանակների իշխանություններին` այնտեղ բնակություն հաստատած հայության նկատմամբ ցուցաբերած հոգատարության և ուշադրության համար:
Մոնրեալի քաղաքապետը բարձր է գնահատել հայ համայնքի դերը ինչպես Երևանի ու Մոնրեալի, այնպես էլ երկու երկրների միջև հարաբերությունների ամրապնդման գործում` պատրաստակամություն հայտնելով կանադահայերի հետ միասին այսուհետ ևս ջանքեր գործադրել տարբեր ոլորտներում hամագործակցության ընդլայնման ուղղությամբ:
Երկուստեք կարևորվել է նաև 2011թ. Երևանում Ֆրանկոֆոն քաղաքների 31-րդ համաժողովի անցկացումը:-0-
