Սեպտեմբերի համեմատ՝ հոկտեմբերին գնաճը Հայաստանում կազմել է 1 տոկոս, «Նովոստի-Արմենիա» գործակալությանը տեղեկացրեցին ՀՀ ազգային վիճակագրական ծառայությունից:
2010թ.-ի հոկտեմբերին, սեպտեմբերի համեմատ, պարենամթերքի գները (ներառյալ ոգելից խմիչքներն ու ծխախոտը) ավելացել են 1,4 տոկոսով, ոչ պարենային մթերքի գները՝ 0,9 տոկոսով, իսկ ծառայությունների ոլորտի սակագները՝ 0,3 տոկոսով:
Հոկտեմբերին, 2009 թ.-ի դեկտեմբերի համեմատ, սպառողական գների ցուցանիշը կազմել է 105,8 տոկոս, այդ թվում նաև պարենամթերքի գների ցուցանիշը (ներառյալ ոգելից խմիչքներն ու ծխախոտը) կազմել է 106,9 տոկոս, ոչ պարենային մթերքինը՝ 104 տոկոս, իսկ ծառայությունների ոլորտի սակագները՝ 104, 7 տոկոս:
Միաժամանակ հոկտեմբերին, 2009թ.-ի հոկտեմբերի համեմատ, սպառողական գների ցուցիչը 109,1 տոկոս է կազմել: Միաժամանակ, հաշվետու ժամանակահատվածում պարենամթերքի գները (ներառյալ ոգելից խմիչքներն ու ծխախոտը) աճել են 12,5 տոկոսով, ոչ պարենային մթերքինը՝ 6,9 տոկոսով, ծառայությունների ոլորտի սակագները՝ 4,9 տոկոսով, իսկ հունվար-հոկտեմբեր ամիսներին՝ 2009թ.-ի նույն ժամանակահատվածի համեմատ՝ 107,9%, 107,6%, 110,6% և 107,3% համապատասխանաբար:
Ըստ պետբյուջեի, Հայաստանի գնաճը 2010թ.-ի վերջին նախատեսված է 4 տոկոսի սահմաններում: (±1,5%) –0-
