ՀՀ նախագահն EXPO-RUSSIA ARMENIA արդյունաբերական ցուցահանդես է այցելել
Հայաստանի նախագահ Սերժ Սարգսյանը հինգշաբթի Երևանում մասնակցել է EXPO-RUSSIA ARMENIA ռուսական երրորդ ամենամյա ցուցահանդեսի բացմանը:
Հոկտեմբերի 28-30-ն անցկացվող ցուցահանդեսի նպատակը ռուսական և հայկական տեխնոլոգիական նոր մշակումները ներկայացնելն է:
Սարգսյանը դիտել է «2010 թվականը՝ գիտության և նորարարությունների տարի ԱՊՀ-ում» ցուցահանդեսի տաղավարները:
Պետության ղեկավարը ծանոթացել է էներգետիկայի ոլորտի նոր, այդ թվում՝ ատոմային, ինչպես նաև մեքենաշինության, տրանսպորտի, կապի և հեռահաղորդակցության, ավիացիայի, քիմիական արդյունաբերության և այլ ճյուղերի տեխնոլոգիաների հետ:
Ցուցահանդեսին մասնակցում է հայկական գործընկերների հետ համագործակցությամբ հետաքրքրված ավելի քան 70 ռուսական ընկերություն: Ցուցադրության շրջանակներում ներկայացվել է թեմատիկ 12 բաժին, ինչպես նաև նախատեսված է հագեցած գործարար ծրագիր, մասնավորապես, «Ռուսաստան-Հայաստան 2010՝ միջտարածաշրջանային տնտեսական համագործակցության հեռանկարների» ներկայացումը: -0-
