Հայաստանի նախագահը մեկնել է Աստրախան՝ հանդիպելու Մեդվեդևի և Ալիևի հետ ղարաբաղյան խնդրի վերաբերյալ

Հայաստանի նախագահ Սերժ Սարգսյանը մեկնել է ՌԴ Աստրախանի մարզ` մասնակցելու Աստրախան քաղաքում ԼՂ հակամարտության խաղաղ կարգավորման շրջանակներում տեղի ունենալիք հանդիպմանը  Ռուսաստանի նախագահ Դմիտրի Մեդվեդևի և Ադրբեջանի նախագահ Իլհամ Ալիևի հետ, տեղեկացնում է հայկական պետությունների ղեկավարի մամուլի ծառայությունը:

ՌԴ նախագահի նախաձեռնած Սարգսյան-Մեդվեդև-Ալիև եռակողմ հանդիպումից հետո առանձնազրույց է ծրագրված ԵԱՀԿ Մինսկի խմբի համանախագահների հետ։

Աստրախանում Հայաստանի նախագահը տեղի Սուրբ Հռիփսիմե հայկական եկեղեցու հովվի, տեղական իշխանությունների և հայկական համայնքի ներկայացուցիչների  ոււղեկցությամբ կայցելի քաղաքի կենտրոնում գտնվեղ հայկական հուշահամալիր և ծաղիկներ կդնի կոթող-խաչքարին։

Խաչքարը տեղադրվել է 20-րդ դարի 30-ական թվականներին ավերված հայկական եկեղեցու տեղում (կառուցված 1706 թվականին) և ի նշանավորումն Աստրախանում Հայ առաքելական եկեղեցու հիմնադրման 209-ամյակի։

Սարգսյան-Ալիև նախորդ՝ վեցերորդ հանդիպումը տեղի է ունեցել հունիսի 18-ին Սանկտ Պետերբուրգում, նույնպես ՌԴ նախագահի նախաձեռնությամբ։ Հանդիպման ընթացքում Հայաստանի և Ադրբեջանի ղեկավարները համաձայնել են Ղարաբաղի վերաբերյալ բանակցությունները շարունակել Մադրիդյան սկզբունքների հիման վրա։ Այդ սկզբունքները, մասնավորապես, ներառում են Հայաստանի և Ղարաբաղի միջև «միջանցքի» բացում, Լեռնային Ղարաբաղին միջանկյալ կարգավիճակ տրամադրելը և հետագայում նրա վերջնական իրավական կարգավիճակի սահմանումը՝ բնակչության իրավաբանորեն պարտադիր կամարտահայտության հիման վրա։

Ղարաբաղյան հակամարտությունը սկսվել է 1988 թվականին, երբ գերազանցապես հայերով բնակեցված Լեռնային Ղարաբաղը հայտարարեց Ադրբեջանի կազմից դուրս գալու մասին: 1991թ. դեկտեմբերի 10-ին Լեռնային Ղարաբաղում հանրաքվե անցկացվեց, որի ժամանակ մասնակիցների 99,89 տոկոսը քվեարկեց Ադրբեջանից լիովին անկախանալու օգտին:

Դրան հետևեցին Ադրբեջանի ձեռնարկած լայնածավալ ռազմական գործողությունները, որոնք հանգեցրին նրան, որ նրանք կորցրեցին վերահսկողությունը ոչ միայն Լեռնային Ղարաբաղի, այլև հարակից յոթ շրջանների նկատմամբ:

1994թ. մայիսի 12-ին զինադադարի վերաբերյալ եռակողմ համաձայնագրի կնքումից  հետո հակամարտության գոտում դադարեցին ռազմական գործողությունները, որոնց արդյունքում երկու կողմից էլ եղավ շուրջ 25-30 հազար զոհ և մոտ մեկ միլիոն մարդ  ստիպված լքեց բնօրրանը:

Հրադադարի ռեժիմ հաստատելու վերաբերյալ համաձայնագիրը մինչև այսօր ուժի մեջ է: 1992 թվականից ի վեր հակամարտության խաղաղ կարգավորման ուղղությամբ բանակցություններ են տարվում ԵԱՀԿ Մինսկի խմբի շրջանակներում, որի համանախագահներն են ԱՄՆ-ն, Ռուսաստանը և Ֆրանսիան: -0-