ԱԺ խոսնակ. Պետք չէ կարծել, թե կոալիցիոն ուժերը չեն ցանկանում ճանաչել ԼՂՀ անկախությունը
Թող որևէ մեկը չփորձի տպավորություն ստեղծել, թե կոալիցիոն ուժերը չեն ցանկանում ճանաչել Լեռնային Ղարաբաղի անկախությունը, նախօրեին ասաց Ազգային ժողովի խոսնակ Հովիկ Աբրահամյանը, գրում են հայկական լրատվամիջոցները։
«ԼՂՀ անկախության ճանաչման մասին» «Ժառանգություն» ընդդիմադիր խմբակցության օրինագիծն ընթացիկ քառօրյայում (հոկտեմբերի 25-28-ը) ներկայացվել է ՀՀ ԱԺ-ի քվեարկությանը: Օրինագծով նախատեսված է, որ Հայաստանը իրավական մակարդակով պետք է ճանաչի Ղարաբաղի անկախությունը, և այս փաստաթղթի ընդունումը հիմք կդառնա՝ ճանաչումից բխող բոլոր հարցերի, այդ թվում նաև անվտանգության հարցերի կարգավորման համար: Կոալիցիոն մեծամասնությունը դեմ է հանդես գալիս նման օրինագծի ընդունմանը՝ այն ժամանակավրեպ համարելով, օրինագծին աջակցել է միայն ՀՅ Դաշնակցություն խմբակցությունը։
Ըստ հաղորդագրությունների՝ ԱԺ նախագահը նշել է, որ տվյալ պահին դա չի արվում՝ ԼՂ հարցով բանակցություններին չխանգարելու համար։
«Իսկ որ պահին որ քննարկենք ընդհանուր, երկրի նախագահի գլխավորությամբ որոշենք, որ պետք է ճանաչենք Ղարաբաղի անկախությունը դե յուրե, անպայման շատ արագ կնախաձեռնենք և արտահերթ նիստով կարող ենք դա անել»,- ասել է Աբրահամյանը։
Ըստ ԱԺ խոսնակի՝ եթե Սերժ Սարգսյանը Աստրախանում Ադրբեջանի և Ռուսաստանի նախագահների հանդիպումից հետո առաջարկի ճանաչել ԼՂ անկախությունը, ապա ԱԺ-ն դա կանի։--0--
