Հայաստանում ՌԴ ԱԴԾ սահմանապահ վարչության երկու պայմանագրային զինծառայողներ մահացած են հայտնաբերվել զորամասերից մեկում

Անցած շաբաթ օրը Գյումրիում տեղակայված զորամասերից մեկում հայտնաբերվել է  Հայաստանում ՌԴ ԱԴԾ սահմանապահ վարչության երկու պայմանագրային զինծառայողների կտրած-ծակած բազմաթիվ վնասվածքներով դիակները, հաղորդում է Ոստիկանության մամուլի ծառայությունը։

Պայմանագրային զինծառայողներ՝ ՌԴ քաղաքացի 27 ամյա Արմեն Զախարյանի և 39-ամյա Արթուր Ենոքյանի դիակները հայտնաբերվել են հանգստի սենյակում։

«Հանգամանքները պարզվում են: Քննությունը վարում է ՌԴ դատախազությանը կից քննչական կոմիտեի զինվորական քննչական բաժինը»,- նշվում է հաղորդագրության մեջ։ -0-