Ֆրանկոֆոն քաղաքների Գլխավոր ասամբլեան 2011 թ.-ին կանցկացվի Երևանում

ԵՐԵՎԱՆ, 25 հոկտեմբերի. /Նովոստի-Արմենիա/. Ֆրանկոֆոն քաղաքների Գլխավոր ասամբլեան 2011 թ.-ին կանցկացվի Երևանում, հաղորդում է ՀՀ ԱԳՆ մամուլի ծառայությունը:

Տեղեկատվության համաձայն՝ ՀՀ ԱԳ նախարար Էդվարդ Նալբանդյանը, նախորդ շաբաթ ելույթ ունենալով Շվեյցարիայի Մոնտրո քաղաքում կայացած Ֆրանկոֆոնիայի միջազգային կազմակերպության գագաթնաժողովին, գոհունակություն է հայտնել 2011 թ. Ֆրանկոֆոն քաղաքների Գլխավոր ասամբլեան Երևանում անցկացնելու որոշման կապակցությամբ:

Նա նշել է, որ նման  որոշումը կազմակերպության յուրահատուկ գնահատականն է Հայաստանին` որպես ակտիվ անդամի և վստահելի գործընկերոջ:

ՀՀ ԱԳ նախարարը կարևորել է Ֆրանկոֆոնիայի շրջանակներում համագործակցությունը և կազմակերպության դերը` բազմամշակութային երկխոսության միջոցով ժողովուրդների և երկրների միջև խաղաղության ու համերաշխության ամրապնդման գործում: -0-