WWF-ը կպաշտպանի Հայաստանի հարավի գորշ արջերին

Վայրի բնության համահայկական հիմնադրամի հայկական մասնաճյուղը (WWF) ՀՀ Սյունիքի մարզի պտղատու այգիների մոտ գիշերային հերթապահություն է նախաձեռնում, քանի որ այգիներ գորշ արջեր են մուտք գործել, հաղորդում է կազմակերպության հասարակության կապերի բաժինը։

Սեպտեմբեր ամսից հաճախակի դարձած գորշ արջերի հաճախակի այցելությունները Սյունիքի մարզի Մեղրիի շրջանում գտնվող համայնքների մրգատու այգիներ հասցրել են վնասներ տեղական բնակչությանը: Մուտք գործելով գյուղացիների այգիներ արջերը ոչ միայն ուտում են պտուղները` խաղող, թուզ, նուռ, այլ նաև կոտրում են բերգատու ծառերը: Վայրի արջերի ներխուժումից ամենից շատ վնասներ են կրել Նռնաձոր, Շվանիձոր և Ալվանք գյուղերի բնակիչների մրգատու այգիները:

Ելնելով ստեղծված իրավիճակից՝WWF հայաստանյան գրասենյակը, առաջնորդվելով «նության հետ ներդաշնակ ապրելու»իր ընդհանուր առաքելությամբ, աջակցում է մի նախաձեռնությանը, որի շրջանակներում տեղական բնակիչները «Աևիկ»ազգային պարկի աշխատակիցների հետ համատեղ գիշերային ժամերին իրականացնելու են հերթապահություն պտղատու այգիները պահպանելու, ինչպես նաև արջերի անվտանգությունը ապահովելու նպատակով:  

Սույն ծրագիրը նպատակ ունի պահպանել գորշ արջի (որը գրանցված է Հայաստանի կարմիր գրքում) պոպուլյացիան և նրա անվտանգությունը, կանխելով նրանց վրա գյուղացիների կողմից անցանկալի, բայց ակնհայտ սպասվելիք ապօրինի որսը, ինչպես նաև աջակցել Մեղրիի շրջանում գտնվող համայնքներին զերծ պահելու նրանց մրգատու այգիները արջերի կողմից հասցրած վնասներից: -0-