Հայաստանի և Լիտվայի միջև քաղաքական երկխոսության նոր մակարդակ է հաստատվել. Նալբանդյան
Հայաստանի եւ Լիտվայի միջև հաստատվել են բարձր մակարդակի քաղաքական երկխոսություն և արդյունավետ համագործակցություն միջազգային կազմակերպություններում, երկուշաբթի Լիտվայի սեյմի փոխնախագահ Ալգիս Կաշետայի հետ հանդիպման ժամանակ ասաց ՀՀ ԱԳՆ ղեկավար Էդվարդ Նալբանդյանը, հաղորդում է արտաքին քաղաքական գերատեսչության մամուլի ծառայությունը։
Հաղորդագրության համաձայն, հանդիպման ժամանակ զրուցակիցներն ընդգծել են առևտրատնտեսական համագործակցության աշխուժացման անհրաժեշտությունը:
Զրուցակիցները հանգամանալից անդրադարձան Հայաստանի և Լիտվայի միջև խորհրդարանական համագործակցության զարգացման ուղղությամբ ձեռնարկվելիք քայլերին, միջազգային կազմակերպությունների խորհրդարանական վեհաժողովներում երկու երկրների պատվիրակությունների փոխգործակցությանը:
Անդրադարձ կատարվեց նաև մի շարք երկկողմ, տարածաշրջանային և միջազգային հարցերի, Հայաստան-Եվրոպական Միություն համագործակցությանը:
Նախարար Նալբանդյանը և փոխնախագահ Կաշետան մտքեր փոխանակեցին Հարավային Կովկասում անվտանգության ապահովմանն առնչվող հարցերի, առկա խնդիրների և դրանց լուծման ուղիների վերաբերյալ: -0-
