Միավորված ընդդիմության հանրահավաքն անցնում է հորդառատ անձրևի տակ

Ընդդիմադիր Հայ ազգային կոնգրեսի հանրահավաքը շարոնակվում է՝ չնայած հորդառատ անձրևին։

Ինչպես լրագրողներին էր հայտնել Հայ ազգային կոնգրեսի համակարգող Լևոն Զուրաբյանը, չնայած եղանակային վատ պայմաններին՝ հանրահավաքի մասնակիցները մտադիր են երթ կազմակերպել։

Կազմակերպիչները նշում են, որ հանրահավաքի ընթացքում իրենց ելույթներում մտադիր են բացահայտել իշխանությունների կոռումպացված լինելն ու արտաքին քաղաքականության թերությունները։

Ինչպես տեղեկացնում է «Նովոստի-Արմենիա» գործակալության թղթակիցը իրադարձությունների վայրից, հանրահավաքում ՀԱԿ առաջնորդ, Հայաստանի առաջին նախագահ Լևոն Տեր-Պետրոսյանի հայտնվելն ուղեկցվել է թմբուկների ձայնով և հավաքվածների խրախուսական ճիչերով։

Հանրահավաքն անցկացվում է Մատենադարանի մերձակայքում, քանի որ քաղաքապետարանն արգելել է հանրահավաքի անցկացումն Ազատության հրապարակում։

Ընդդիմությունն իշխանությունների այս որոշումն անօրինական է համարում, քանի որ Ազատության հրապարակում այդ ժամանակահատվածի համար չի հայտարարվել որևէ միջոցառման անցկացման մասին։ -0-