Կենդանիների հայ պաշտպանները դեմ են թափառող շների սպանդին, «Ումի՞ց և ինչպե՞ս պաշտպանել մեր ընտանի կենդանիներին» թեմայով Երևան-Մոսկվա-Թբիլիսի տեսակամուրջի ժամանակ ասաց ՀՀ վայրի բնության պաշտպանության և մշակութային ժառանգության հիմնադրամի (FPWC) անդամ Թամարա Գալստյանը։
«Հայաստանում թափառող շների տարածման հիմնական պատճառը աղբահավաքության հետ կապված խնդիրն է, և քանի դեռ չի լուծվել աղբանոցների վերացման հարցը, չի լուծվի թափառող շների խնդիրը»,- ասաց Գալստյանը։
Միաժամանակ նա նշեց, որ թափառող շների հետևողական ոչնչացումը առնետների բնակեցման աճի կհանգեցնի, ինչը լուրջ վտանգ է քաղաքի և քաղաքաբնակների համար։
«Այսօրվա դրությամբ խնդրի հիմնական լուծումը կարող է թափառող շների ամլացումը և նրանց հարազատ էկոհամակարգ վերադարձնելը»,- ասաց Գալստյանը։
«Փրկեք կենդանիներին» բարեգործական հասարակական կազմակերպության հիմնադրամի նախագահ Նունե Մեհրաբյանն իր հերթին նշեց, որ Հայաստանի անկախության ողջ շրջանում երկրում մարդկանց հանդեպ թափառող շների հարձակման ոչ մի դեպք չի գրանցվել, ինչը նրանց մոտ ագրեսիայի բացակայության վկայությունն է։
«Թափառող շները երբեք առաջինը չեն հարձակվում մարդկանց վրա, քանի որ նրանց հարձակումը կամ կոպիտ վերաբերմունքի, կամ մարդկանց անհամազոր վարքի արձագանք է»,- ասաց Մեհրաբյանը։
Նա նշեց, որ «Փրկեք կենդանիներին» հիմնադրամը պարբերաբար աշխատանքներ է անցկացնում թափառող շներին որսալու և ամլացնելու ուղղությամբ, բայց քանի որ քաղաքային իշխանությունները կենդանիներին կրակելու քաղաքականություն են իրականացնում, իրավիճակը ոչ մի կերպ չի կարգավորվում և սատկում են նաև ամլացված կենդանիները։
Միաժամանակ Մեհրաբյանն ընդգծեց, որ Հայաստանում այսօր ոչ միայն շների ամլացման համար ֆինանսավորման պակաս կա, այլ նաև՝ մասնագետների և աշխատակիցների թերացում, ովքեր կարող էին զբաղվել շների որսով և նրանց բնական ապրելավայր վերադարձնելով։
Պաշտոնական տվյալների համաձայն, 2006թ.-ից սկսած՝ Երևանում 30574 թափառող շներ են ամլացվել, իսկ 68890-ին՝ սպանել են: 2010թ.-ին թափառող կենդանիներին կրակելու համար պետբյուջեից 180 մլն դրամ է (ավելի քան 498 հազար դոլար) հատկացվել:
«Յունիգրաֆ-Իքս» թափառող կենդանիների ամլացման և վնասազերծման մասնագիտացված ընկերության տվյալների համաձայն, 2011թ.-ին Երևանում կընկնի թափառող կենդանիների վնասազերծման (քնեցում) անհրաժեշտությունը, նրանց դեմ պայքարում կարելի է սահմանափակվել միայն ամլացմամբ։ Ըստ նրանց գնահատականի, թափառող կենդանիներին քնեցնելը 2400-3300 դրամ է պահանջում (մոտ 8-11 ԱՄՆ դոլար), իսկ էգերին և որձերին ամլացնելը՝ 11500 դրամ (ավելի քան 37,5 ԱՄՆ դոլար) և 8800 դրամ (շուրջ 29 դոլար) համապատասխանաբար։
Այսօր Հայաստանում շների համար միայն մեկ շնաբուծարան է գործում, ընդ որում՝ «Փրկեք կենդանիներին» բարեգործական հասարակական կազմակերպության շրջանակներում: Շնաբուծարանում 220 շուն է ապրում: -0-
