Հայաստանի ֆուտբոլի հավաքականի մարզիչ Վարդան Մինասյանը երեքշաբթի Անդորրայի հավաքականի հետ խաղից հետո կազմակերպված մամուլի ասուլիսի ժամանակ հայտարարել է, որ գոհ է իր թիմի խաղի որակից:
Հայաստանի ֆուտբոլի հավաքականը երեքշաբթի Եվրո-2010-ի ընտրական փուլի շրջանակներում սեփական հարկի տակ 4:0 հաշվով ջախջախիչ պարտության է մատնել Անդորրայի հավաքականին՝ չորս հանդիպումներում վաստակելով յոթ միավոր: Անդորրան դեռևս վաստակած միավոր չունի:
«Խաղի որակը շատ բարձր էր, բայց ինձ համար ամենակարևորն այն էր, որ մեր ֆուտբոլիստները բարձր պրոֆեսիոնալիզմ ցուցադրեցին», - ասել է Մինասյանը:
Մարզիչի խոսքերով՝ թիմն ամբողջովին կատարել է իր բոլոր հրահանգները: Խմբում հավաքականի նպատակների մասին «Նովոստի-Արմենիա» գործակալության հարցին Մինասյանը պատասխանել է, որ իր դիրքորոշումը նույնն է՝ ցույց տալ լավ խաղ:
«Մեր խաղում լուրջ առաջընթաց է նկատվում, սակայն դա ամենը չէ, ինչին ընդունակ է մեր հավաքականը: Մենք մեծ ներուժ ունենք», - նշել է Հայաստանի հավաքականի ավագ մարզիչը:
Խոսելով Հայաստանի հավաքականի մրցակիցների խաղերի մասին՝ Մինասյանը նշել է, որ Սլովակիայի հավաքականից Ռուսաստանի պարտությունը ոչնչի մասին չի խոսում: «Սա ֆուտբոլ է, իսկ ֆուտբոլում ամեն ինչ հնարավոր է», - նշել է նա:-0-
