ԵՐԵՎԱՆ, 11 հոկտեմբերի. /Նովոստի-Արմենիա/. Հայաստանում ռուսական ռազմակայանի տեղակայման ժամկետների երկարացումը չի կարող ազդել հանրապետության եվրաինտեգրման գործընթացի վրա, կարծում է Հայաստանում Լեհաստանի արտակարգ և լիազոր դեսպան Զդիսլավ Ռաչինկսին։
Ռուսաստանն ու Հայաստանը ստորագրել են 1995 թ.-ին ստորագրված Գյումրիում ռուսական ռազմակայանի մասին երկկողմ պայմանագրի մեջ փոփոխություններ մտցնելու մասին արձանագրությունը, փոփոխությունները վերաբերում են փաստաթղթի գործողության ժամկետի երկարացմանը: Եթե 1995 թ.-ի պայմանագիրը գործում էր 25 տարի ժամկետով, ապա այժմ այն գործելու է 49 տարի՝ սկսած 1995 թ.-ից:Արձանագրության տակ ստորագրել են Հայաստանի և Ռուսաստանի պաշտպանության նախարարներ Սեյրան Օհանյանն ու Անատոլի Սերդյուկովը:Փաստաթղթի ստորագրումը տեղի է ունեցել երկու երկրների նախագահներ Դմիտրի Մեդվեդևի և Սերժ Սարգսյանի բանակցությունների արդյունքում:
«Սա հենց Հայաստանի հարցն է, և ոչ մեկի գործը չէ»,- երկուշաբթի մամուլի ասուլիսի ժամանակ ասաց Ռաչինսկին։
Դեսպանն ընդգծեց, որ ռուսական ռազմակայանի տեղակայման ժամկետների երկարացումը ոչ մի կապ չունի Հայաստանի եվրաինտեգրման կամ ԵՄ-ի «Արևելյան գործընկերություն» ծրագրին մասնակցելու հետ։
«Արևելյան գործընկերություն» ծրագիրը նպատակաուղղված է Ադրբեջանի, Հայաստանի, Վրաստանի, Մոլդովայի, Բելառուսի և Ուկրաինայի հետ ԵՄ մտերացմանը։
Ծրագրով նախատեսվում է «վեցնյակին» մինչև 2013թ.-ը 600 մլն եվրո հատկացնել, որը նախատեսված է պետական ինստիտուտների ամրապնդման, սահմանների վերահսկման և փոքր ընկերություններին օգնություն ցուցաբերելու համար։
«Արևելյան գործընկերություն» ծրագիրը ԵՄ անդամակցության հնարավորություններ չի նախատեսում, բայց քաղաքական և տնտեսական մտերմություն է ենթադրում այդ տարածաշրջանային կազմակերպության հետ, ներառյալ վիզային ռեժիմի դյուրացումն ու համագործակցությունը էներգետիկայի ոլորտում։ «Արևելյան գործընկերության» սահմանադիր գագաթնաժողովը տեղի է ունեցել 2009թ.-ի մայիսի 7-ին Պրահայում։ -0-
