ՀՀԿ-ն ձգտում է իշխանության ուղղաձւգ ստեղծել, ինչին համաձայն չէ մեկ այլ կոալիցիոն կուսակցություն. փորձագետ

ԵՐԵՎԱՆ, 4 հոկտեմբերի. /Նովոստի-Արմենիա/. Հայաստանի Հանրապետական Կուսակցությունը ձգտում է իշխանական ուղղաձիգ ստեղծել, ինչին համաձայն չէ կոալիցիոն մեկ այլ կուսակցություն՝ Բարգավաճ Հայաստանը, կարծում է փորձագետ Երվանդ Բոզոյանը։

Վերջին ժամանակներում հայկական ԶԼՄ-ներում հաճախ է արծարծվում ՀՀԿ-ի և ԲՀԿ-ի միջև առկա տարաձայնությունների հարցը։

«Այս ուղղահայացում ԲՀԿ-ին երկրորդ տեղն է հատկացվել, ինչը չի բավարարում ԲՀԿ-ին»,- երկուշաբթի մամուլի ասուլիսի ժամանակ ասաց փորձագետը։

Խոսելով ՀՀԿ-ի ներսում տարաձայնությունների վերաբերյալ լուրերի մասին՝ Բոզոյանը նշեց, որ գաղափարախոսական տարաձայնություններ իշխող կուսակցությունների ներսում չեն կարող լինել։

«Սա պետական բյուրոկրատական կուսակցություն է, ինչպես օրինակ, «Յենի Ադրբեջանը» կամ «Եդինայա Ռոսիան»։ Կուսակցության ներսում խաղի կանոններ կան, և հակամարտություն է ծագում, եթե կուսակցությունից մեկը չի ցանկանում խաղալ այդ կանոններով»,- ասաց նա։

ԱՊՀ Ինստիտուտի հայկական մասնաճյուղի տնօրեն Ալեքսանդր Մարկարովն էլ կարծում է, որ եթե անգամ Հանրապետական կուսակցության ներսում տարաձայնություններ կան, ապա, դա, հավանաբար, կապված է սերնդափոխության հետ։

«Հավաբանար, կուսակցության երիտասարդ սերունդը ձգտում է ավելի բարձր պաշտոններ զբաղեցնել կուսակցական հիերարխիայում»,- ասաց նա։

Խոսելով ՀՀԿ և ԲՀԿ միջև տարաձայնությունների մասին՝ Մարկարովը կարծիք հայտնեց, որ ԲՀԿ-ն, ըստ երևույթին, չի ցանկանում հանդես գալ երկրորդ համարի ներքո, ինչպես դա ծրագրում է ՀՀԿ-ն։

Միաժամանակ նա նշեց, որ 2012 թվականի Հայաստանի խորհրդարանական ընտրություններում 5-տոկոսանոց պատնեշը կհաղթահարեն և ՀՀԿ-ն, և ԲՀԿ-ն։

Նա ավելացրեց, որ «Օրինաց երկիր» և «Ժառանգություն» կուսակցությունները մի փոքր կորցրել են իրենց վստահությունն ընտրազանգվածի մոտ, որի վերականգնման համար բավականին ուժ է պետք։

Խոսելով ընտրություններից առաջ քաղաքական նոր ուժի հնարավոր ստեղծման մասին՝ փորձագետը նշեց, որ, նկատի առնելով այն, որ մինչև ընտրությունները դեռ երկու տարի կա, դա հնարավոր է, եթե գտնվեն համապատասխան մարդկային, նյութական և ինտելեկտուալ ռեսուրսներ։ -0-