ՀՀ ԱԺ հերթական նիստը կանցկացվի արդեն նորոգված դահլիճում. խոսնակ
Հայկական խորհրդարանի հերթական նիստը, որը նախատեսված է հոկտեմբերի 25-28-ը, կանցկացվի արդեն նորոգված դահլիճում, երկուշաբթի հերթական քառօրյայի բացման ժամանակ ասաց Հայաստանի Ազգային ժողովի խոսնակ Հովիկ Աբրահամյանը։
Խորհրդարանի նիստերի դահլիճի նորոգման աշխատանքները սկսվել են մայիսին, ինչի կապակցությամբ խորհրդարանը ժամանակավորապես նիստերն անցկացնում է կառավարության նիստերի մեծ դահլիճում։ Ազգային ժողովի նիստերի դահլիճի նորոգմանը հատկացվել էր 1,3 միլիոն դոլար։
«Հաջորդ նիստը մենք արդեն կանցկացնենք նոր դահլիճում»,- ասաց Աբրահամյանը։
Խորհրդարանի այսօրվա նիստը սկսվել է հինգրոպեանոց ուշացումով ձայների հաշվարկման էլեկտրոնային համակարգի խափանման պատճառով։ Նիստի օրակարգը հայտարարելուց հետո պարզվեց, որ համակարգը կրկին խափանվել է։
Խոսնակն ընդմիջում հայտարարեց մինչև խափանումների վերացումը, ինչի արդյունքում նիստը սկսվեց գրեթե կեսժամանոց ուշացումով։ -0-
