Որպես ամբողջական տարածաշրջան՝ Հարավային Կովկասը գոյություն չունի, հինգշաբթի «Հարավային Կովկասի տեղեկատվական համագործակցության և անվտանգության խնդիրները» թեմայով կովկասյան միջազգային գիտագործնական հինգերորդ խորհրդաժողովի ժամանակ ասաց ԱՄՆ համաշխարհային անվտանգության ինստիտուտի եվրոպական և ասիական ծրագրերի տնօրեն Նիկոլայ Զլոբինը։
«Ես նման տարածաշրջան չեմ տեսնում Հարավային Կովկասում և չեմ հասկանում, թե ինչու է այն տարածաշրջան կոչվում, այն դեպքում, երբ այն գոյություն չունի։ Այն երկրները, որոնք այստեղ են գտնվում, այն մարդիկ, ովքեր այստեղ ապրում են և այն տնտեսությունները, որոնք առկա են այստեղ, տարածաշրջան չեն կազմում, դա ավելի շուտ այն երկրներն են, որոնք պարզապես միմյանց մոտ են գտնվում»,- ասաց Զլոբինը։
Ըստ նրա, տարածաշրջանը չի ձևավորվել, և դրանում ավելի շուտ հետընթաց է գնում, իսկ երկրներն ու տնտեսություններն ավելի ու ավելի շատ են միմյանցից բաժանվում, քան տարածաշրջանի անվտանգության և խաղաղության տեսանկյունից ելնելով խնդիր ստեղծում, քանի որ Կովկասը գլոբալ քաղաքականության կարևոր կետն է, որտեղ բոլոր խոշոր տերություններն իրենց ներկայությունը պարտադիր են համարում։
Միաժամանակ, ինչպես կարծում է փորձագետը, Հարավային Կովկասի այն քաղաքական աշխարհագրությունը, որն այսօր առկա է, համեմատաբար երկար կպահպանվի, չնայած Խորհրդային Միության հին աշխարհագրության անկման միտումների շարունակմանը։
Զլոբինը նաև նշեց, որ նոր քաղաքական աշխարհագրությունն անկայուն է և սպառնալիք է ազգային անվտանգության համար, ինչի կապակցությամբ մատնանշեց անվտանգության համակարգի վերաիմաստավորման անհրաժեշտությունը, ընդ որում բանակի չափը անվտանգության առավել բարձր մակարդակ չի նշանակի։
Ըստ նրա, դրան է գումարվում նաև ազգային պետությունների ողողման գործընթաց, որն ավելի քիչ է վերահսկում բոլոր համակարգերի՝ քաղաքական, տնտեսական և այլ գլոբալ շրջանակներում անցման հետ կապված ներքին գործընթացները։
«Աստիճանաբար փոքր պետությունները սկսում են ավելի մեծ դեր խաղալ, քան խոշոր տերությունները, ինչի կապակցությամբ վերջինները պետք է նյարդավիրաբուժական դիվանագիտություն ցուցաբերեն տարածաշրջանների հետ աշխատանք տանելու համար»,- ասաց Զլոբինը։
Տվյալ համատեքստում, ինչպես կարծում է փորձագետը, աշխարհում փոքր երկրներն իրենց դերը բարձրացնելու հնարավորություն են ստանում, այդուհանդերձ պայքարը կընթանա ոչ թե քաղաքական կամ տնտեսական ասպեկտում, այլ մի մոդելում, որը մշակել և առաջ են տանում տարածաշրջանի երկրները։
«Մենք ապրում ենք առաջնորդների աշխարհում, և նա, ով բոլոր խնդիրները լուծելու համար առավել հաջողված մոդելներ կառաջարկի, կկարողանա աշխարհում հիմնական դեր ստանալ, քանի որ խոշոր երկրները դեռ ինտելեկտուալ փակուղու մեջ են գտնվում»,- ասաց Զլոբինը։
Կովկասյան միջազգային գիտագործնական խորհրդաժողովի կազմակերպումը «ՌԻԱ Նովոստի» Ռուսական միջազգային տեղեկատվության գործակալության հատուկ մեդիանախագիծն է։ Սկսած 2006 թվականից՝ այն ամեն տարի անցկացվում է Երևանում, մեծ արձագանք է գտել ինչպես ռուսական մամուլում, այնպես էլ Հարավային Կովկասի պետությունների ԶԼՄ-ներում։-0-
