ԵՐԵՎԱՆ, 30 սեպտեմբերի. /Նովոստի-Արմենիա/. ՌԴ Հաշվիչ պալատի նախագահ Սերգեյ Ստեպաշինը խորհուրդ է տվել Գյումրու քաղաքապետ Վարդան Ղուկասյանին հանել կեպին, հինգշաբթի գրում է «Հրապարակ» թերթը։
Պարբերականի համաձայն՝ այդ զավեշտալի նկատողությունը Ստեպաշինն արել է նախօրեին Գյումրի կատարած այցի ընթացքում՝ ակնարկելով Մոսկվայի քաղաքապետ Յուրի Լուժկովի անփառունակ պաշտոնանկությունը։
ՌԴ Հաշվիչ պալատի ղեկավարն այցելել է Գյումրում տեղեկայված ռուսական ռազմաբազա, եղել է Ռուսական եկեղեցում և «Պատվո բլուրում», որտեղ հանգչում են 19-րդ դարի ռուս-թուրքական պատերազմների ընթացքում ընկած ռուս սպաների մարմինները։
Նրան ուղեկցել են նաև Հայաստանի Վերահսկիչ պալատի ղեկավար Իշխան Զաքարյանը, Շիրակի մարզպես Աշոտ Գիզիրյանը։
Ստեպաշինը Հայաստանում է ԱՊՀ և Բալթիայի բարձրագույն վերահսկիչ մարմինների ղեկավարների խորհրդի 10-րդ նստաշրջանին մասնակցելու նպատակով։ -0-
