Հայաստանի Վերահսկիչ պալատի գործունեությունն ամուր ռելսերի վրա է դրված. նախագահ

ԵՐԵՎԱՆ, 29 սեպտեմբերի. /Նովոստի-Արմենիա/. Հայաստանի վերահսկիչ պալատի գործունեությունն ամուր ռելսերի վրա է դրված, ասվում է ՀՀ նախագահ Սերժ Սարգսյանի՝ ԱՊՀ և Բալթյան երկրների ֆինանսական վերահսկողության գերագույն մարմինների ղեկավարների խորհրդի հոբելյանական 10-րդ նիստի մասնակիցներին ուղղված ուղերձում, որն ընթերցեց նախագահի աշխատակազմի ղեկավարի տեղակալ Վիգեն Սարգսյանը։

Նրա խոսքերով, պատահական չէ, որ Հայաստանի վերահսկիչ պալատը նույնպես ձգտում է իր ավանդն ունենալ ֆինանսական վերահսկողության գերագույն մարմինների միջազգային համագործակցության ամրապնդման գործում։

«Այդ կապակցությամբ հատուկ կցանկանայի կարևորել ոչ միայն բազմակողմանի, այլ նաև երկկողմ համագործակցությունը, որը սնուցում է ստանում նմանատիպ հանդիպումների ընթացքում»,- նախագահի խոսքերը մեջբերեց Սարգսյանը։

Որպես օրինակ՝ նա նշեց հայ-ռուսական համագործակցության արդյունավետությունը տվյալ ոլորտում, եվրոպական կառույցների, հատկապես գերմանացի, հոլանդացի, լեհ, ֆրանսիացիև բուլղարացի գործընկերների հետ շփումների աստիճանական զարգացումը։

Ըստ նրա, եվրոպական փորձի և ուսուցման ծրագրի ու կադրերի նախապատրաստման ծրագրի միջազգային չափանիշների կիրառման գործում լավագույն նվաճումը առաջնային ոլորտներ են Հայաստանի համար։

Նախագահը կարծում է, որ այդքան պաշտոնական ձևաչափով անցնող հանդիպումը դուրս է գալիս ԱՊՀ աշխարհագրական սահմաններից և արտացոլում է արդյունավետություն, որ երկար տարիների աշխատանքի ընթացքում կարողացավ ապահովել Խորհուրդը։

 «Հայաստանը կարևոր նշանակություն է տալիս Խորհրդի գործունեությանը և փորձում է իր գործնական ավանդը ներդնել խորհրդի աշխատանքի մեջ։ Սա լավ հարթակ է փորձի, առկա մշակումների և տեղեկատվության փոխանակման համար»,- ասվում է Սարգսյանի ուղերձում։

Ինչպես նշեց երկրի ղեկավարը, նիստի թեման արդիական է ներկայիս սոցիալ-տնտեսական գործընթացների և մարտահրավերների կառավարման համատեքստում։

Նրա խոսքերով, այս գործում պակաս կարևոր չէ վերահսկիչ ֆինանսական մարմինների դերը, քանի որ պետական ռեսուրսների ռացիոնալ օգտագործումն իշխանական ինստուտի արդյունավետության բարձրացման կարևորագույն մեխանիզմն է։

Հայաստանում անցնկացվում է ԱՊՀ և Բալթյան երկրների ֆինանսական վերահսկողության գերագույն մարմինների ղեկավարների խորհրդի հոբելյանական 10-րդ նիստը։ Նիստի հիմնական թեման ճգնաժամի պայմաններում սոցիալ-տնտեսական զարգացման հարցերն են։ Նիստի ընթացում յուրաքանչյուր երկիր կներկայացնի իր մոտեցումները պետության զարգացման միջոցառումների անցկացման վերաբերյալ։ -0-