2011թ.-ը հայկական սփյուռքի միջազգայնացման տարի կդառնա. նախարար

ՀՀ նախագահ Սերժ Սարգսյանի հանձնարարմամբ՝ 2011թ.-ը հայկական սփյուռքի միջազգայնացման տարի կդառնա, ասաց ՀՀ սփյուռքի նախարար Հրանուշ Հակոբյանը։

«Դա նշանակում է, որ մենք պետք է աշխատենք այն երկրների հետ, որոնք խոշոր համայնքներ ունեն, և պետք է փորձենք միջազգային մասնագետ իրավագենտների հետ բացահայտել և քննարկել սփյուռքի բոլոր մարտահրավերները, խնդիրները և պարտավորությունները»,- չորեքշաբթի գերատեսչության երկամյա գործունեության արդյունքների վերաբերյալ մամուլի ասուլիսի ժամանակ ասաց նա։

Հակոբյանը նշեց, որ Սփյուռքի նախարարությունը 2011թ.-ին մտադիր է ՄԱԿ դիմել՝ սփյուռքի մասին համապատասխան Կոնվենցիա հաստատելու և մշակելու մասին առաջարկությամբ։

«Սա 2011թ.-ի Սփյուռքի նախարարության ամենակարևոր խնդիրներից մեկը կլինի, որը պետք է լուծվի»,- ընդգծեց նա։

Ընթացիկ տարվա մասին խոսելիս նախարարն ասաց, որ այն սփյուռքի համայնքների  առջև կանգնած անհետաձգելի խնդիրներն ուսումնասիրելու տարի է դարձել։

«Այս տարի հիմնական շեշտը մենք դրել ենք սփյուռքի այնպիսի խնդիրների համատեքստում, ինչպիսիք են խառը ամուսնություններում հայկական ինքնության պահպանման,  արևմտահայ լեզվի դասավանդման, կիրակնօրյա և հանրակրթական հայակական դպրոցների խնդիրների լուծման, ինչպես նաև սփյուռքի կյանքում ԶԼՄ-ների դերին»,- պարզաբանեց նա։

2009թ.-ը Հակոբյանը նախարարության վերականգնման տարի որակեց։ «Այդ ժամանակահատվածում մեզ հաջողվել է լուծում տալ գաղափարախոսական, իրավական, կազմակերպչական և ֆինանսական հարցերին, որոնց հիման վրա պետական կառավարման մարմին է ստեղծվել»,- ավելացրեց նա։

Նախախարության տվյալների համաձայն՝ արտերկրում 7 մլն հայ է բնակվում և 33 հազար հայկական կազմակերպություն է գործում։ -0-