Ազգային առաջին «Սոցիալական գործընկերություն» համաժողովն է չորեքշաբթի բացվել Երևանում:
Ողջունի խոսքում Հայաստանի գործատուների միության նախագահ Արսեն Ղազարյանը հույս հայտնեց, որ համաժողովը՝ ամփոփելով մի քանի տարվա ընթացքում կատարած աշխատանքների արդյունքները, ուղենիշեր կմշակի, որոնք կկարողանան կառավարության, գործատուների և արհմիությունների միջև սոցիալական գործընկերությունն իրական հիմքերի վրա դնել։
Ղազարյանը հիշեցրեց, որ 2009թ.-ի ապրիլի 27-ին կառավարության, Արհմիությունների կոնֆեդերացիայի և Հայաստանի գործատուների հանրապետական միության միջև կոլեկտիվ պայմանագիր է ստորագրվել՝ այդ կերպ սոցիալական գործընկերության իրավական հիմք դնելով։
Միաժամանակ նա ընդգծել է պայմանագրի շրջանակներում գործողությունները կոնկրետացնելու անհրաժեշտությունը, մասնավորապես, ճշտել, թե որ դեպքում են անհրաժեշտ իրավաբանորեն պարտավորեցնող քննարկումները և այս կամ այն հարցերի որոնումները, ինչպես պետք է համագործակցեն կառավարության ստորաբաժանումները, գործատուները և արհմիությունները, ինչու է անհրաժեշտ ընդհանուր որոշումների որոնումը։
«Արևմտյան Եվրոպայի երկրներում սոցիալական գործընկերությունը տնտեսական բարգավաճման հիմքն է, կյանքի մակարդակի ապահովումն է, և պատահական չէ, որ Հայաստանը՝ միանալով համապատասխան միջազգային կոնվենցիային, փորձել է օրենսդրորեն տեղայնացնել այն մեխանիզմները, որոնք վաղուց են Եվրոպայում կառավարում հասարակության զարգացումն ու բարգավաճումը»,- ասաց Ղազարյանը։
Ըստ նրա՝ հաշվի առնելով, որ Հայաստամը պետք է «ցատկով» անցնել 200-300-ամյա ճանապարհը, շատ բան է անհրաժեշտ սովորել, և պատահական չէ, որ խորհրդաժողովին եվրոպական երկրներից հայտնի փորձագետներ. Գործատուների միության ներկայացուցիչներ են հրավիրվել, ովքեր կներկայացնեն ինչպես սեփական փորձը, այնպես էլ Հայաստանում այդ փորձը կիրառելու յուրահատկությունները։
Նա շնորհակալություն հայտնեց Ֆրիդրիխ Էբերտի հիմնադրամին՝ խորհրդաժողովի կազմակերպմանն օժանդակելու համար, ինչպես նաև Գործատուների համագործակցության հոլանդական ծրագրի ներկայացուցիրներին, ովքեր երկար տարիներ աշխատում են ՀԳՀՄ-ի հետ և Կիպրոսի Գործատուների և արդյունաբերողների կոնֆեդերացիային, որի հետ համագործակցությունը շատ կարևոր է՝ հաշվի առնելով էթնիկ մշակութային ընդհանրությունը։
«Սոցիալական գործընկերություն» համաժողովը կազմակերպվել է Հայաստանի գործատուների հանրապետական միության կողմից՝ Ֆրիդրիխ Էբերտի Հիմնադրամի աջակցությամբ ու մասնակցությամբ, «Dem Bildungswerk der Wirtschaft Mecklenburg-Voprommen eV» գերմանական ծրագրի, Գործատուների համագործակցության հոլանդական ծրագրի, «ԱրմենՏել» ՓԲԸ, Կիպրոսի գործատուների և արդյունաբերողների կոնֆեդերացիայի և Աշխատանքի միջազգային կազմակերպության աջակցությամբ։ Բիզնես-գործընկերն ու գլխավոր հովանավորն է «ԱրմենՏել» ընկերությունը։ -0-
