Հայաստանում ընտանեկան զույգերի միայն 25 տոկոսն է դիմում սեքսոպաթոլոգներին, ընդ որում առավելապես չբերության պատճառով, ուրբաթ լրագրողներին ասաց սեքսոպաթոլոգ Վրեժ Շահրամանյանը։
«Ընտանեկան զույգերի մոտ սեքսուալ խանգարումները վերացնելու մեջ մեծ նշանակություն ունի ընտանիքի սեքսուալ դաստիարակությունը, ինչպես նաև սեքսուալ կուլտուրան, որը Հայաստանում գրեթե բացակայում է»,- նշեց մասնագետը։ Ըստ նրա, այն երկրներում, որտեղ ընտանիքներում ընդունված է սեքսուալ զարգացման հարցերի վերաբերյալ երեխաների հետ զրույցներ անցկացնել, կտրուկ նվազում է սեքսուալ խախտումների հավանականությունը։
«Հայաստանում ընդհակառակը, ընտանեկան մակարդակում նման խոսակցություններ չեն լինում, իսկ հաճախ հասարակության մեջ ոչ ճիշտ տեղեկության հոսքի աճի հետ սեքսի մասին աղավաղված պատկերացումներ են ձևավորվում»,- ասաց Շահրամանյանը։ Ըստ նրա դիտարկման, Հայաստանում տղամարդիկ կրկնակի անգամ հաճախ են դիմում սեքսոպաթոլոգների ծառայություններին, քան կանայք։
Ինչպես նշեց Շահրամանյանը, առավելապես սեքսոպաթոլոգներին դիմում են սոցիալական հողի վրա սեքսուալ խանգարումների դեպքում, չնայած պատճառները կարող են հոգեբանական և ֆիզիոլոգիական լինել։
Աստղագետ Հովհաննես Հովհաննիսյանն իր հերթին հիմնական ընտանեկան, այդ թվում սեքսուալ խնդիրները կապում է ընտանեկան զույգերի աստղաբանական անհամատեղելիության հետ։-0-
