Վրաստանի արտաքին գործերի նախարար Գրիգոլ Վաշաձեն Հայաստան կժամանի հոկտեմբերի սկզբին, տեղեկացնում է հայկական արտաքին գերատեսչության մամուլի ծառայությունը։
Հաղորդագրության համաձայն` նախօրեին Վաշաձեն Նյու Յորքում հանդիպել է Հայաստանի արտաքին գործերի նախարար Էդվարդ Նալբանդյանի հետ։
«Հանդիպման ընթացքում քննարկվել են հայ-վրացական օրակարգի բազմաթի հարցեր։ Երկխոսության շարունակության նպատակով հոկտեմբերի սկզբին Գրիգոլ Վաշաձեն կժամանի Հայաստան»,- ասվում է հաղորդագրությունում։ -0-