Հայաստանը Քիշնևում կմասնակցի տեղեկատվայնացման հարցերով ԱՊՀ երկրների Համակարգող խորհրդի նիստին

ԵՐԵՎԱՆ, 23 սեպտեմբերի. /Նովոստի-Արմենիա/. ՀՀ տրանսպորտի և կապի նախարար Մանուկ Վարդանյանի գլխավորած պատվիրակությունը կմասնակցի սեպտեմբերի 28-29-ը Քիշնևում (Մոլդովայի հանրապետություն) կայանալիք կապի տարածաշրջանային համագործակցությանն առընթեր տեղեկատվայնացման հարցերով Անկախ պետությունների համագործակցության Համակարգող խորհրդի 16-րդ նիստին:

Ինչպես հինգշաբթի հաղորդում է նախարարության մամուլի ծառայությունը, Վարդանյանը  համակարգող խորհրդի փոխնախագահն է և նիստի ընթացքում հանդես կգա զեկույցով:

Հաշվի առնելով տեղեկատվական տեխնոլոգիաների բնագավառում Մոլդովայի հանրապետության առաջատար դիրքը ԱՊՀ տարածքում` նախատեսվում է նաև նախարար Վարդանյանի հանդիպումը Մոլդովայի կապի և տեղեկատվական տեխնոլոգիաների նախարարի հետ: Հանդիպման ընթացքում կքննարկվեն ոլորտի զարգացման Մոլդովայի փորձի լավագույն օրինակները: -0-