ՌԴ և Հայաստանի քաղաքացիները հպարտանում են ընդհանուր պատմության էջերով. Մեդվեդև

ՌԴ Նախագահ Դմիտրի Մեդվեդևը շնորհավորել է իր հայ գործընկեր Սերժ Սարգսյանին Հայաստանի ազգային տոնի՝ Անկախության օրվա առթիվ և շնորհակալություն է հայտնել հանրապետության ժողովրդին ռուս մարտիկների հիշատակին հոգատարությամբ վերաբերվելու համար, երեքշաբթի հաղորդել է Կրեմլի մամուլի ծառայությունը։

«Հայաստան վերջերս կատարած այցի ընթացքում ես հերթական անգամ համոզվեցի, որ հայ-ռուսական բարեկամության և բարիդրացիության բազմադարյա ավանդույթները շարունակում են ամրապնդվել: Մեր քաղաքացիները հպարտանում են մեր ընդհանուր պատմության փառավոր էջերով, համատեղ հաջողություններով և հաղթանակներով: Դրա վառ օրինակը «Պատվո բլուր» հուշահամալիրի վերականգնումն էր, որի բացմանը մենք Ձեզ հետ միասին մասնակցեցինք: Երախտապարտ ենք Հայաստանի ժողովրդին` մեր զինվորների հիշատակին հոգատարությամբ վերաբերվելու համար»,- ասվում է ՌԴ նախագահի շնորհավորական հեռագրում։

Ըստ Մեդվեդևի՝ այսօր Հայաստանը և Ռուսաստանը վստահության և համագործակցության հուսալի հիմքի վրա այսօր կառուցում են ռազմավարական գործընկերային հարաբերություններ, վարում են ակտիվ քաղաքական երկխոսություն, տարածաշրջանային և միջազգային ասպարեզում ավելի ու ավելի արդյունավետ են համակարգում իրենց քայլերը:

«Մենք հասել ենք տնտեսության` ներառյալ նորարարության, ինչպես նաև հումանիտար ոլորտներում համատեղ ծրագրերի առաջխաղացման գործում կարևոր որոշումների կայացմանը»,- ասվում է հաղորդագրության մեջ։

ՌԴ նախագահը վստահ է, որ այդ պայմանավորվածությունների իրականացումը կծառայի երկկողմ կապերի հետագա ընդլայնմանը` ի շահ երկու երկրների քաղաքացիների, ի նպաստ Անդրկովկասում խաղաղության և կայունության: -0-