«Արմավիա» ավիաընկերության չվերթերը վերականգնվել են, սակայն խնդիրը լուծված չէ. մամուլի ծառայություն

«Զվարթնոց» հայկական օդանավակայանը հինգշաբթի վերականգնել է ազգային ավիափոխադրող «Արմավիա» ավիաընկերության չվերթերի սպասարկումը, որը դադարեցվել էր կուտակված պարտքերի պատճառով, «Նովոստի-Արմենիա» գործակալությանը տեղեկացրեց «Արմենիա Միջազգային Օդանավակայաններ» ընկերության մամուլի քարտուղար Գևորգ Աբրահամյանը:

«Մենք վերականգնել ենք չվերթերը ուղևորներին անհարմարություն չպատճառելու համար», - ասաց Աբրահամյանը:

Միաժամանակ նա ավելացրեց, որ խնդիրը դեռ լուծված չէ: Աբրահամյանի խոսքերով՝ այժմ այդ հարցը քննարկման փուլում է:

«Մենք հուսով ենք, որ խնդիրը շուտով կլուծվի», - նշեց ընկերության մամուլի քարտուղարը:

Հինգշաբթի առավոտից դադարեցվել է «Արմավիա» ընկերության մի քանի չվերթերի, մասնավորապես՝ Երևան-Թել-Ավիվ-Երևան և Երևան-Սոչի չվերթերի սպասարկումը: Չվերթների սպասարկման դադարեցման մասին «Արմավիան» նախօրոք իրազեկվել է:

Հայաստան-միջազգային օդանավակայաններ» ՓԲԸ-ն շահագործում է «Զվարթնոց» օդանավակայանը՝ համատեղ շահագործման  պայամանագրի համաձայն, որը հայկական կառավարությունը կնքել էր 2001-ին։

Ձեռնարկության սեփականատերն է Նյու Յորքի հոլդինգային ձեռնարկությունը, որի արժեթղթերի 100%-ը պատկանում է Արգենտինայի քաղաքացի հայազգի Էդուարդո Էռնեկյանին։-0-