Հայաստանում ամեն վեցերորդ զույգը չբերությամբ է տառապում

Հայաստանում ամեն վեցերորդ զույգը չբերությամբ է տառապում, չորեքշաբթի լրագրողներին հայտնեց ՀՀ Վերարտադրողական առողջության կենտրոնի տնօրեն Էդուարդ Համբարձումյանը:

«Հայաստանում չբերության բարձր մակարդակի պատճառն ինչպես 90-ականներին ապրած սթրեսներն են, այնպես էլ հայ կանանց մոտ աբորտների բարձր մակարդակն է, ինչը կարող է ինֆեկցիոն հիվանդությունների պատճառ դառնալ, որոնք ազդում են սերնդի վերարտադրության ունակության վրա»,- ասաց նա:

Համբարձումյանը հայտնեց, որ Հայաստանում չբերությունը 18 տոկոս է կազմում, համեմատության համար՝ Ամերիկայի միացյալ նահանգներում չբերության տոկոսը 14-15 է:

Ըստ նրա՝ աշխարհում կանանց չբերության հնարավոր 22 և տղամարդկանց՝ 18 պատճառ է հայտնի: Ընդ որում կանանց չբերության տոկոսը բարձր է, չբերության դեպքերի միայն 40 տոկոսն է տղամարդկանց մոտ հանդիպում:

Կենտրոնի ղեկավարն ասաց, որ Հայաստանի պայմաններում պատճառներից մեկը, որի պատճառով զույգը չբերության դեպքում չի դիմում բժշկի, պրոցեդուրաների  բավականին բարձր գինն է, հաճախ պետք է պետք է մի անգամ կրկնել:

Համբարձումյանը պարզաբանեց, որ մեկ պրոցեդուրայի արժեքը բուժման տեսակի հետ կապված՝ տատանվում է 500 դոլարից մինչև 2 հազար դոլար:

Ըստ նրա՝ բուժելիության մակարդակը 70-75 տոկոս է կազմում, ինչը բավականին բարձր ցուցանիշ է: -0-