ԵՐԵՎԱՆ, 14 սեպտեմբերի. /Նովոստի-Արմենիա/. Հայ կանանց մոտ կրծքագեղձի քաղցկեղի առաջացման հիմնական պատճառները սթրեներն են ու կանացի խնդիրները, ասաց Հայ-ամերիկյան առողջության կենտրոնի Բժիշկ-ռադիոլոգ Անի Հակոբյանը:
«35 տարեկանից բարձր և գինեկոլոգիական հիվանդություններով տառապող կանանց մոտ 90 տոկոսը կրծքագեղձի խնդիր ունի»,- երեքշաբթի մամուլի ասուլիսի ժամանակ ասաց նա։
Առողջության հայ-ամերիկյան կենտրոնի (Մամոգրաֆիայի կենտրոն) գործադիր տնօրեն Խաչանուշ Հակոբյանը հայտնեց, որ կրցքագեղձի քաղցկեղ է հայտնաբերվել Կենտրոն այցելած յուրաքանչյուր 16-րդի մոտ։
Գործունեության 13 տարիների ընթացքում կրցքագեղձի զննում են անցել 104 հազար կանայք, 6,1 հազարի մոտ կրցքագեղձի քաղցկեղ է ախտորոշվել։ Ընդ որում, ավելի քան 4,5 հազար կանանց մոտ բացահայտվել է զրոյական, առաջին կամ երկրորդ փուլերի օնկոլոգիական հիվանդություն։
Հակոբյանի խոսքերով, վերջին ժամանակներում օնկոլոգիական հիվանդության այս տեսակը Հայաստանում զգալիորեն երիտասարդացել է, իսկ դեպքերը՝ հաճախակի դարձել։
«Մեր կենտրոնում զննում անցած կանանց մոտ կրցքագեղձի քաղցկեղի 60 դեպքերում հիվանդությունը ախտորոշվել է մինչև 29 տարեկան կանանց շրջանում»,- ասաց նա, հավելելով, որ այս ախտորոշմամբ ամենաերիտասարդ հիվանդը 16-ամյա աղջիկ է եղել։
Այս կապակցությամբ Կենտրոնի տնօրենն ասաց, որ որքան մարդն ուշադիր լինի իր առողջության նկատմամբ, այնքան ավելի բարձր է վաղ փուլում հիվանդության բացահայտման և դրա զարգացման կանխման հավանականությունը։
«Պետք է տարվա ընթացքում ոչ պակաս, քան մեկ անգամ բժիշկի այցելության մշակույթ ձևավորել։ Ռենտգենյան հետազոտությունը կարող է բացահայտել հիվանդությունն ամենավաղ փուլերում»,- ասաց նա։
Միաժամանակ Խաչանուշ Հակոբյանն ընդգծեց, որ գենետիկ գործոնն էական նշանակություն ունի, այդ իսկ պատճառով կանայք, ում ընտանիքներում եղել են կրցքագեղձի քաղցկեղի դեպքեր, ավելի ուշադիր պետք է լինեն իրենց առողջության նկատմամբ։
«Այդ կատեգորիայի կանայք պետք է հետազոտում անցնեն 30 տարեկանից»,- ասաց նա և ընդգծեց, որ բոլոր կանանց և աղջիկներին խորհուրդ է տրվում ամեն ամիս կրծքագեղձի զննում անցնել, ինչի մասին մանրամասն տեղեկացնում են Կենտրոնի հատուկ գրքույկները։
Առողջության հայ-ամերիկյան կենտրոնը (Մամոգրաֆիայի կենտրոն) հիմնադրվել է 1997թ.-ին։ Այն հագեցած է գերժամանակակից դիագնոստիկ սարքավորումներով։ Այնտեղ աշխատում են բարձրորակ մասնագետ-ռադիոլոգներ, որոնք վերապատրաստում են անցել ԱՄՆ տարբեր կլինիկաներում։ --0—
