Հայաստանի բոչիայի առաջին առաջնությունը կանցկացվի Ապարանում

Հայաստանի բոչիայի առաջին առաջնությունը կանցկացվի սեպտեմբերի 11-12-ը Արաբկիր բժշկական համալիրի Ապարանի ամառային առողջարանային մասնաճյուղում, հաղորդում է «Հայկական ճամբար» բարեգործական կազմակերպությունը:

Բոչիան պարալիմպիկ մարզաձև է, որն անցկացվում է հենաշարժական ապարատի հիվանդություններով տառապող մարդկանց համար: Խաղի պատմական արմատները տանում են Հին Հունաստան: Խաղի էությունը կայանում է նրանում, որ խաղացողները պետք է թենիսի գնդակից փոքր ինչ մեծ կաշվե գնդակը գցեն նշված թիրախին որքան հնարավոր է մոտ, որտեղ սովորաբար սպիտակ գնդակ է դրված: Հաղթողը որոշվում է թիրախին ավելի մոտ գցած գնդակների քանակով:

Առաջնությունը, որը կանցկացվի «Սպորտով դեպի հասարակություն» նշանաբանի ներքո, կազմակերպվել է Հաշմանդամային սպորտի հայկական ազգային ֆեդերացիայի կողմից, , որը համդիսանում է բոչիայի` CPISRA միջազգային սպորտային կազմակերպության միակ հավատարմագրված ազգային ներկայացուցիչը Հայաստանում:

ռաջնությանը կմասնակցեն քսան մարզիկներ Հայաստանի յոթ քաղաքներից ու Արցախից: Առաջնությունը կհաջորդի եռօրյա ուսումնամարզական հավաքին:

Մարզիկները մրցաշարի երկու օրերի ընթացքում իրենց ուժերը կչափեն թիմային և անհատական պայքարում: 

Բոլոր մասնակիցները Հաշմանդամային սպորտի հայկական ազգային ֆեդերացիայի կողմից կստանան հուշանվերներ ու պատվոգրեր, իսկ մրցանակակիրները կպարգևատրվեն մեդալներով:-0-