Կրակոց Երևանի համալսարաններից մեկում. ոստիկանություն

Նախօրեին առավոտյան Երևանի պետական տնտեսագիտական համալսարանում գազային ատրճանակից կրակոց է հնչել, տուժածներ չկան, հաղորոդում է ՀՀ ոստիկանության մամուլի ծառայությունը:

Ինչպես գրում է «Չորրորդ Ինքնիշխանություն» թերթը, համալսարանի միջանցքում մի խումբ ուսանողների միջև վեճ է ծագել, ինչի ժամանակ ուսանող Կարո Ա.-ն իրեն պատկանող «Ատմագա» տիպի գազային ատրճանակից մեկ անգամ կրակել է երկու ուսանողների ուղղությամբ:

Ոստիկանության տեղեկատվության համաձայն, միջադեպի մասնակիցներ Կարո Ա.-ն (ծնված 1992 թ.-ին) և Գևորգ Գ.-ն (ծնված 1993 թ.-ին) խուլիգանություն կատարելու կասկածանքով ձերբակալվել և բերման են ենթարկվել ոստիկանության Կենտրոնականի բաժնի Մարաշի բաժանմունք:

Ատրճանակն առգրավվել և ուղարկվել է ոստիկանության փորձաքրեագիտական վարչություն:

Ձեռնարկվում են միջոցառումներ վիճաբանության երրորդ մասնակցին՝ Տարոն Հ.-ին հայտնաբերելու ուղղությամբ:

Կատարվում է հետաքննություն:-0-