Հայաստանի արդյունաբերողների և գործարարների միությունը Հայաստանի բանկերի միության հետ համատեղ 2011թ.-ը հայտարարել է XIXդ.-ի վերջի-XXդ.-ի սկզբի հայ նավթային հսկա և մեկենաս Ալեքսանդր Մանթաշովի տարի, երեքշաբթի լրագրողներին ասաց ՀԱԳՄ նախագահ Արսեն Ղազարյանը։
«Մանթաշովի տարին նվիրված է նրա ծննդյան 170 և մահվան 100-ամյակին։ Այս կլոր տարեթվերը լավ առիթ են այդ հայտնի ձեռներեցի և բարեգործի կյանքը և գործունեությունը արժանի ներկայացնելու և նրա հիշատակը հավերժացնելու համար՝ Մանթաշովին դարձնելով ընդօրինակման առարկա»,- ասաց Ղազարյանը։
Նա նշեց, որ ՀԱԳՄ-ն շարունակում է աշխատանքները հայ գործարարի բարոյական կանոնագրքի մշակումը և այդ հարցում հատուկ նշանակություն է տրվում առկա պատմական փորձին, լավ գիտելիքին և առկա փորձի գնահատմանը։
Ըստ նրա՝ Մանթաշովի տարվա շրջանակներում ծրագրվում է նրա գրքերից մի քանիսի հրատարակումը, նրա կիսանդրու տեղադրումը, «21-րդ դար. Հայկական բիզնեսը և հայ գործարարի կերպարը» թեմայով սփյուռքի ձեռներեցների մասնակցությամբ միջազգային գիտաժողովի անցկացումը։
Ալեքսանդր Իվանի Մանթաշովը (Ալեքսանդր Հովհաննեսի Մանթաշյանց) ծնվել է 1842թ.-ին Թիֆլիսում։ Խոշոր նավթային հսկա և մեկենաս է, իր ժամանակի ամենահարուստ մարդկանցից մեկը։ Մանթաշովը մահացել է 1911թ.-ի ապրիլի 19-ին Սանկտ Պետերբուրգում։ -0-
