Թուրքիան և Ադրբեջանը Հայաստանի դեմ պատերազմ չեն սկսի, քանի դեռ Գյումրիում է ռուսական ռազմակայանը. քաղաքագետ

Թուրքիան և Ադրբեջանը Հայաստանի դեմ պատերազմ չեն սկսի, քանի դեռ գոյություն ունի ռազմական ոլորտում համագործակցության ռուս-հայկական պայմանագիրը, ասաց «Միտք» վերլուծական կենտրոնի ղեկավար, քաղաքագետ Հրանտ Մելիք-Շահնազարյանը:

Օգոստոսի 20-ին Ռուսաստանն ու Հայաստանը արձանագրություն են ստորագրվել Գյումրիի ռուսական ռազմակայանի մասին 1995թ.-ին ստորագրված երկկողմ պայմանագրի մեջ փոփոխություններ կատարելու մասին, որոնք վերաբերում են փաստաթղթի գործողության ժամկետի երկարացմանը: 1995թ.-ին ստորագրված պայմանագրի գործողության ժամկետը 25 տարի էր, այժմ փաստաթուղթը գործելու է 49 տարի (մինչև 2046 թվականը՝ 1997 թ.-ին համաձայնագրի վավերացման պահից սկսած):

«Եթե Ռուսաստանը Հայաստանի այն սկզբունքային գործընկերը լինի, ինչպիսին իրեն ներկայացնում է, ապա մենք կարող ենք բացառել ռազմական գործողությունների սկիզբը` հաշվի առնելով, որ այսօր տարածաշրջանում հակամարտությունների ռազմական լուծման հնարավորությունը նվազագույնի է հասցվել»,- երեքշաբթի մամուլի ասուլիսի ժամանակ նշեց քաղաքագետը:

Ըստ նրա, Թուրքիան տեսականորեն կարող է ռազմական գործողությունների կամ ռազմակայանի տեղակայման համար օգտագործել Նախիջևանի տարածքը, սակայն այդ կերպ նա խիզախում է փչացնել Ռուսաստանի հետ հարաբերությունները:

«Այսօր Թուրքիան այդքան էլ լավ վիճակում չի` հաշվի առնելով Իսրայելի հետ սրված հարաբերությունները, արաբական երկրների անվստահությունը, քրդական խնդրի առկայությունը, իսկ եթե դրան ավելացնենք նաև Ռուսաստանի հետ կապված ռազմական խնդիրները, ապա ոչ մի թուրքական կառավարություն չի կարող իր վրա վերցնել այդ ծանր բեռը»,- ասաց Մելիք Շահնազարյանը:

Ինչպես նշում է քաղաքագետը, այսօր Հարավային Կովկասի տարածաշրջանի երկրները սպասողական դիրք են բռնել` ակնկալելով Ռուսաստանի տարածաշրջանային քաղաքականության գնահատականը` նախագահ Դմիտրի Մեդվեդևի՝ Բաքու կայանալիք այցից հետո (սեպտեմբերի 2-3): -0-