ՀՀ վարչապետի գավաթի հանդբոլի մրցաշարը կանցկացվի Վանաձորում

ՀՀ վարչապետի գավաթի հանդբոլի մրցաշարը կանցկացվի սեպտեմբերի 2-4-ը Վանաձորում, երկուշաբթի լրագրողներին ասաց ՀՀ հանդբոլի ֆեդերացիայի նախագահ Սարգիս Գրիգորյանը։

Միջազգային մրցաշարին կմասնակցեն Հայաստանի, Բելառուսի, Իրանի, Վրաստանի հավաքականները։
 
«Մրցաշարի նպատակն է Հայաստանում այդ տեսակի սպորտի մասսայականացումը»,- նշեց Գրիգորյանը։ Ըստ ֆեդերացիայի նախագահի, ՀՀ հավաքականի կազմում կխաղան Ֆրանսիայում բնակվող հայերը, ովքեր հանդես են գալիս ֆրանսիական առաջնության տարբեր դիվիզիոններում։ «Նրանք հպարտությամբ են հանդես գալիս Հայաստանի ազգային հավաքականի անունից»,- նշեց նա։

Գրիգորյանը հայտնեց, որ 16 հանդբոլիստներից 9-ը ներկայացնում են Ֆրանսիան, իսկ մնացածը տեղացի մարզիկներ են։ Նա նշեց, որ չնայած մրցաշարին ուժեղ մարզիկներ են մասնակցում, հայկական հավաքականը հաղթանակի հույս ունի՝ շնորհիվ խաղացողների նվիրվածությանը։

Գրիգորյանը նաև տեղեկացրեց, որ մրցաժարի ժամանակ Հայաստան կժամանի Հանդբոլի միջազգային ֆեդերացիայի (IHF) նախագահ Հասան Մուսթաֆան։

ՀՀ ազգային հավաքականի մարզիչներից Պատրիկ Օթամյանն իր հերթին հայտնեց, որ նախօրեին թիմն առաջին մարզումն է անցկացրել և մարզիկներ տրամադրությունը բարձր է։ «Մարզումը ցույց տվեց, որ թիմը սկսել է ուժեղանալ»,- նշեց նա։ -0-