Մեդվեդևը Երևանում հիշեցրեց ՀԱՊԿ-ի շրջանակներում ՌԴ-ի ռազմավարական պարտավորությունների մասին
ՌԴ նախագահ Դմիտրի Մեդվեդևը ուրբաթ ՀՀ նախագահ Սերժ Սարգսյանի հետ համատեղ մամուլի ասուլիսի ընթացքում հիշեցրել է, որ Ռուսաստանը դաշնակցային պարտավորություններ ունի ՀԱՊԿ երկրների առջև, որում ներառված է նաև Հայաստանը:
«Խաղաղության և իրավակարգի պահպանումը Ռուսաստանի Դաշնության խնդիրն է, որը տարածաշրջանի խոշորագույն պետությունն է, ինչպես նաև ամենահզոր պետությունը թե տնտեսական, թե պաշտպանական, թե անվտանգության ապահովման հնարավորության տեսակետից: Միաժամանակ, բնական է, որ մենք ունենք ՀԱՊԿ անդամների առջև մեր ռազմավարական պարտավորությունները: ՀԱՊԿ-ի մասնակիցներից մեկը Հայաստանն է», - ասել է Մեդվեդևը:
Նրա խոսքերով՝ մնացած ամեն ինչ հիմնված է պայմանագրի վրա:
«Այտեղ ներկայացված են մասնակիցների բոլոր պարտավորությունները և այն բոլոր հնարավորությունները, որոնք ունեն ՀԱՊԿ-ի անդամ-երկրները: Ռուսաստանը շատ լուրջ է վերաբերվում իր դաշնակցային պարտավորություններին», - ընդգծել է ՌԴ նախագահը:-0-
