ԵՐԵՎԱՆ, 20 օգոստոսի./Նովոստի-Արմենիա/. ՀՀ նախագահ Սերժ Սարգսյանը վստահություն է հայտնել, որ ՌԴ նախագահ Դմիտրի Մեդվեդևի պետական այցը Հայաստան կամրապնդի երկու երկրների դաշնակցային գործակցությունը։
«Վստահ եմ, որ ՌԴ նախագահի պետական այցը լրացուցիչ ազդակ կհաղորդի մեր երկրների միջև ռազմավարական գործընկերության հետագա զարգացմանը, ավելի կամրապնդի մեր դաշնակցային գործակցությունը»,- ուրբաթ Մեդվեդևի հետ համատեղ մամուլի ասուլիսի ժամանակ ասաց Սարգսյանը։
«Մեր հանդիպումը, ինչպես միշտ, վստահելի մթնոլորտում է անցել։ Մենք բովանդակալից, անկեղծ երկխոսություն ունեցանք»,- ասաց Սարգսյանը։
ՌԴ նախագահ Դմիտրի Մեդվեդևը պետական այցով Հայաստան է ժամանել նախօրեին ։-0-
