Թուրքիան հայկական Սուրբ Խաչ եկեղեցու բացումը քարոզչական նպատակով կօգտագործի

ԵՐԵՎԱՆ, 13 օգոստոսի. /Նովոստի-Արմենիա/. Թուրքիան Սուրբ Խաչ եկեղեցու բացումը կօգտագործի քարոզչական նպատակով, կարծում է ՀՅԴ Բյուրոյի Հայ դատի և քաղաքական հարցերով Կենտրոնական գրասենյակի ղեկավար Կիրո Մանոյանը։

Սուրբ Խաչ եկեղեցին հայկական միջնադարյան ճարտարապետության լավագույն հուշարձաններից է: Այն կառուցվել է Վասպուրականի թագավորության ծաղկման ժամանակաշրջանում՝ 915-921 թթ.-ին՝ ճարտարապետ Մանվելի կողմից՝ Հայոց Գագիկ Արծրունի թագավորի գահակալության տարիներին:    

Թուրքիան հայկական Սբ. Խաչ եկեղեցու վերականգնումը սկսել է միջազգային հանրության ճնշման ներքո: Դրա վերականգնման համար թուրքական իշխանությունները հատկացրել էին 1,5 մլն դոլար: Աշխատանքներն իրականացվել են Թուրքիայի մշակույթի և զբոսաշրջության նախարարության կողմից Վանի տեղական ինքնակառավարման մարմինների հետ համատեղ:

Ծրագրվում է, որ եկեղեցին կբացվի 2010թ.-ի սեպտեմբերին հոգևոր արարողությունների անցկացման համար, եկեղեցու գմբեթին խաչ կտեղադրվի, որի ճշգրիտ կրկօրինակը պատրաստվել է փորձագետների կողմից։ -0-

«Հասկանալի է, որ Թուրքիայի համար եկեղեցու բացումը հոգևոր միջոցառում չէ»,- ընդգծեց Մանոյանը։

Նա նշեց, որ այդ քայլը Թուրքիան որպես բարի կամքի ակտ կներկայացնի։ Մանոյանի խոսքերով, այս միջոցառման մասնակիցները պետք է իմանան, որ նրանք կնպաստեն Թուրքիայի քարոզչական քայլերի իրագործմանը։

«Մեզ համար Սուրբ Խաչը եկեղեցի է մնում, և ոչ թե թանգարան»,- նշեց նա։ -0-