Աճուրդի է հանվել նախկինում թիվ մեկ ինքնաթիռը Հայաստանում

ԵՐԵՎԱՆ, 12 օգոստոսի. /Նովոստի-Արմենիա/. ՀՀ կառավարությունը հինգշաբթի նիստի ժամանակ որոշում է ընդունել վաճառքի հանել նախկինում թիվ մեկ ինքնաթիռը՝ Տու-134-ը: Ինչպես նիստի ժամանակ տեղեկացրեց Պետական ունեցվածքի կառավարման վարչության պետ Կարինե Կիրակոսյանը, ինքնաթիռը վաճառքի կհանվի դասական աճուրդում, իսկ մեկնարկային արժեքը կկազմի ավելի քան 600,1 միլիոն դրամ (ավելի քան 1,6 միլիոն ԱՄՆ դոլար):

2007 թ.-ի դեկտեմբերին Հայաստանը ձեռք է բերել 1998 թ.-ին Airbus ընկերության կողմից արտադրված A-319 տիպի ինքնաթիռը, որն այժմ օգտագործվում է ներկայացուցչական նպատակներով 1977 թ.-ի արտադրության Տու-134 ինքնաթիռի փոխարեն:

Նոր ինքնաթիռի հիմնական ուղևորներն են ՀՀ նախագահը, ինչպես նաև արտերկրյա այցելություններ կատարող բարձրաստիճան անձանց գլխավորած պաշտոնական պատվիրակությունները:

A-319 տիպի ինքնաթիռը ձեռք է բերվել 45 միլիոն ԱՄՆ դոլարով, որոնցից 15 միլիոն դոլարը վճարել են հայ բարեգործները, ովքեր ցանկացել են անանուն մնալ: Մնացած գումարը վճարելու համար ձևակերպվել է վարկ՝ տասը տարի մարման ժամկետով: (1 դոլարը 367,35 դրամ է):-0-