Առաջիկա հինգ տարիների ընթացքում Հայաստանի վարչապետը պետք է հանգստանա միայն իր աշխատասենյակում. Սարգսյան

Հայաստանի վարչապետ Տիգրան Սարգսյանը կարծում է, որ առաջիկա հինգ տարիների ընթացքում հայկական կառավարության ղեկավարի պաշտոնը զբաղեցնող մարդը պետք է հանգստանա միայն իր աշխատասենյակում։

«Այսօր վարչապետի համար հանգիստը ոչ այլ ինչ է, քան ինտենսիվ և արդյունավետ աշխատանքը։ Այսինքն, երբ զգում ես, որ քո աշխատանքն արդյունք է տալիս, դա վարչապետի համար արդեն հանգիստ է, քանի որ դա նրան բավարարվածության զգացում է նվիրում»,- ասել է Սարգսյանը National Geographic Traveler-ին տված հարցազրույցում։

Նա նշել է, որ ներկայում Հայաստանի վարչապետը չի կարող թողնել բոլոր գործերը և հանգստանալ։

«Այդ պատճառով էլ կարծում եմ, որ առաջիկա հինգ տարիների ընթացքում Հայաստանի վարչապետի պաշտոնը զբաղեղնող մարդը միայն իր անձնական աշխատասենյակում պետք է հանգստանա։ Տա Աստված, եթե հետագայում, երբ հիմնական խնդիրները հաջողվի լուծել, վարչապետը կկարողանա հանգիստ կերպով վայելել իր արձակուրդը»,- ընդգծեց Սարգսյանը։

Խոսելով իր հանգստի կազմակերպման նախընտրությունների մասին՝ կառավարության ղեկավարը նշեց, որ եթե ժամանակ լիներ, ապա նա կառանձնանար Հայաստանի որևէ գեղատեսիլ վայրում, կվերցներ սիրած գրքերը, ինչպես նաև քունը կառներ։ -0-