Տասնյակ սպաներ պատասխանատվության են ենթարկվել հայկական բանակում տեղի ունեցած միջադեպերի համար

Ապրիլի վերջին Զինված ուժերում տեղի ունեցած միջադեպերի համար, Պաշտպանության նախարար Սեյրան Օհանյանի հրամանով, մի քանի տասնյակ հայ սպաներ ենթարկվել են այս կամ այն աստիճանի պատասխանատվության, տեղեկացնում է Պաշտպանության նախարարության մամուլի ծառայությունը։

Հուլիսի 28-ին զինվորական ծառայության կանոնների կոպիտ խախտման պատճառով տեղի ունեցած միջադեպի հետևանքով զոհվել են ավագ լեյտենանտ Վարդգես Թադևոսյանը և պայմանագրային զինծառայողներ Գարեգին Հովսեփյանը, Անդրանիկ Սարգսյանը, Ռոբերտ Հովհաննիսյանը, Արտյոմ Մանասյանը և Կարո Այվազյանը։

Հուլիսի 28-ին լեյտենանտ Արտակ Նազարյանը ՀՀ Տավուշի մարզի Չինարի գյուղի մերձակայքում գտնվող մարտական հենակետում (Հայաստանի հյուսիս-արևելք, Ադրբեջանի սահմանին) մահացու վնասվածք էր ստացել: Նախնական տվյալների համաձայն, հրաձգային դասակի հրամանատար, հենակետի ավագ, լեյտենանտ 31-ամյա Արտակ Նազարյանն իրեն ամրակցված մարտական զենքից ինքն իրեն հասցրել է հրազենային մահացու վիրավորում:

Հաղորդագրության համաձայն, պաշտպանության նախարարի հրամաններով 8 սպաներ` զորամասերի հրամանատարներ, տեղակալներ, շտաբերի, ստորաբաժանումների, ծառայությունների  պետեր ազատվել են զբաղեցրած պաշտոններից: Նրանցից յոթն արձակվել են ՀՀ ԶՈւ պահեստազոր: 14 սպայի հայտարարվել է խիստ նկատողություն, 6-ի` նկատողություն: Տասը սպաներ նախազգուշացվել են ծառայողական ոչ լրիվ անհամապատասխանության մասին:

Բացի այդ, ստորաբաժանումների 10 հրամանատարներ և ծառայությունների պետեր ազատվել են զբաղեցրած պաշտոններից և նշանակվել են ավելի ցածր պաշտոնների:   Երեք սպա ազատվել է զբաղեցրած պաշտոնից` մնալով ՀՀ ՊՆ կադրերի և ռազմական կրթության վարչության տրամադրության տակ: Իջեցվել է մեկ սպայի զինվորական կոչումը: -0-