Հռչակավոր հայ քանդակագործը կմասնակցի Ռուսաստանում անցկացվող «Չիստիե պրուդի 2010» բիենալեին
ԵՐԵՎԱՆ, 9 օգոստոսի. /Նովոստի-Արմենիա/. Աշխարհահռչակ հայ քանդակագործ Լևոն Թոքմաջյանը կմասնակցի «Չիստիե պրուդի 2010» բիենալեին, որը կանցկացվի Պենզայում՝ օգոստոսի 10-ից սեպտեմբերի 2-ը։
«Բիենալեին կմասնակցեն շուրջ 30 քանդակագործներ տարբեր երկրներից, ովքեր կներկայացնեն ուրալյան քարից և փայտից պատրաստված աշխատանքներ»,- երկուշաբթի լրագրողներին հայտնեց ինքը քանդակագործը՝ միջազգային բազմաթիվ մրցույթների բազմաթիվ մրցանակների դափնեկիրն ու Գեղարվեստի Եվրասիական մայրցամաքային ակադեմիայի ակադեմիկոսը։
Պենզայի բիենալեում, որը կանցկացվի «Պար» թեմայով, Թոքմաջյանը պատրաստվում է քանդակ պատրաստել գեղասահքի թեմայով։
Լևոն Թոքմաջյանը հայ առավել հայտնի ժամանակակից քանդակագործներից է։ Երևանը զարդարող մի շարք հայտնի գործերի, այդ թվում՝ լեգենդար ծաղկավաճառ Կարաբալայի, հայ նկարիչ Մարտիրոս Սարյանի, հայ ազգային հերոս Գևորգ Չաուշի քանդակների հեղինակն է։ -0-
