Հայ քանդակագործն Արգենտինայում արժանացել է «Չակո Բիենալե 2010» մրցանակին

Հայտնի հայ քանդակագործ Լևոն Թոքմաջյանը հուլիսի 15-24-ն Արգենտինայում անցկացված փառատոնի «Չակո Բիենալե 2010» բարձրագույն մրցանակին է արժանացել:

Ինչպես երկուշաբթի լրագրողներին հայտնեց քանդակագործը, Չակո գավառի Ռեզիստենցիա մայրաքաղաքի մրցանակը նրան է հանձնվել անձամբ գավառի մարզպետ Աիդո Վոլվերի կողմից:

«Փառատոնն անցել է «XXI դար Գլոբալացում» թեմայով: Ես վաղ եմ հորինել իմ թեման երկու ձիերի տեսքով, որոնք իրենց ուսերի վրա գլոբալիզացիայի առաջընթացն են տանում: Իմ գործն այդպես էլ կոչվում է «Գլոբալիզացիայի առաջընթացը»,- ասաց Թոքմաջյանը՝ բազմաթիվ միջազգային մրցույթների դափնեկիրն ու Եվրասիական մայրցամաքային գեղարվեստական ակադեմիայի ակադեմիկոսը:

Քանդակագործը նշեց, որ իր աշխատանքն ընտրված է հայ քանդակագործների 50 էսքիզներից, որոնք ներկայացվել են փառատոնին: Օրենքների համաձայն, քանդակները ստեղծվել են տուրմալինից` հենց բաց երկնքի տակ հանրության աչքի առաջ:

Նա ավելացրեց, որ որդին` տաղանդավոր երիտասարդ քանդակագործ Վահե Թոքմաջյանը, ով ապրում է Կանադայում, նույնպես մասնակցել է փառատոնին և ներկայացրել Կանադան, արժանացել է «հանրության համակրանք» մրցանակին»- «Publica»:

Լևոն Թոքմաջյանը հայտնեց, որ արժանացել է Չակո գավառի պատվավոր քաղաքացու կոչմանը, իսկ մարզպետ Վոլվերը նրան անվանել է «գլոբալիզացիայի ոսկե կենտրոնում» կանգնած քանդակագործ: Նա նաև հաջորդ արգենտինական «Բիենալե»-ի ժյուրիի անդամ է ընտրվել:

Արգենտինական Չակո գավառը համաշխարահային փառք է ձեռք բերել իր «Բիենալե»-ով, որը տեղի է ունենում 25 տարվա ընթացքում յուրաքանչյուր երկու տարին մեկ:

Լևոն Թոքմաջյանը հայ առավել հայտնի ժամանակակից քանդակագործներից է։ Երևանը զարդարող մի շարք հայտնի գործերի, այդ թվում՝ լեգենդար ծաղկավաճառ Կարաբալայի, հայ նկարիչ Մարտիրոս Սարյանի, հայ ազգային հերոս Գևորգ Չաուշի քանդակների հեղինակն է։ -0-