Երևան-Գյումրի գնացքի երթևեկության ժամանակը կրճատվել է 40 րոպեով

ԵՐԵՎԱՆ, 4 օգոստոսի. /Նովոստի-Արմենիա/. Գյումրի-Երևան երթուղու ուղևորներն օգոստոսի 1-ից կկարողնան երկու քաղաքների միջև տարածությունը հաղթահարել 40 րոպեով արագ, քան այժմ, չորեքշաբթի «Նովոստի-Արմենիա» գործակալությանը հայտնեցին «Հարավկովկսայան երկաթուղի» ՓԲԸ-ի մամուլի ծառայությունից։

Հաղորդագրության համաձայն, Գյումրիի կայարանից էլեկտրագնացքը կմեկնի 7։10-ին և Երևանի կայարան կժամանի 10։39-ին։ Գնացքը կգործի ամեն օր։

Ավելի վաղ, «ՀԿԵ» ՓԲԸ էներգամատակարարման Ուղու և Էլեկտրիֆիկացման ծառայությունների իրականացրած աշխատանքի շնորհիվ հաջողվել է կրճատել ճանապարհին գտնվելու ժամանակն Արտաշատ-Երևան կայարանների միջև մինչև 32 րոպե։

Հաղորդագրությունում նշվում է նաև, որ ժամանակային այս կրճատումներն ընկերության կողմից իրականացվող ճկուն սակագնային քաղաքականության հետ դրականորեն են անդրադառնում ուղևորահոսքի ներգրավման վրա և Հայաստանի երկաթուղային կայանների տարածքում տրանսպորտային հանգույցների ստեղծման հիմք են դնում։

«Հայկական երկաթուղու» կոնցեսիոն կառավարումն իրականացնում է «ՀԿԵ» ՓԲԸ-ն՝ «Ռուսական երկաթուղիներ» ԲԲԸ-ի հարյուրտոկոսանոց դուստրը: ՀԿԵ-ն իր բալանսում ընդունել ՀԵ շարժակազմը 2008թ. հունիսի մեկից՝ «Հայկական երկաթուղի» պետական ՓԲԸ-ն 30 տարի ժամկետով փոխանցման, կողմերի փոխադարձ համաձայնությամբ ևս 10 տարի երկարացման իրավունքով 2008թ. փետրվարի 13-ի կոնցեսիոն պայմանագրին համապատասխան։--0—