ԵՐԵՎԱՆ, 4 օգոստոսի./Նովոստի-Արմենիա/. Հայաստանում 2010թ.-ի առաջին կիսամյակի ընթացքում կոնյակի արտադրությունը 38,2 տոկոսով ավելացել է, հաղորդում է հանրապետության ազգային վիճակագրական ծառայությունը։
«Նշված ժամանակահատվածում Հայաստանում 5012 հազար լիտր կոնյակ է արտադրվել, ինչը 38,2 տոկոսով ավելի է 2009թ.-ի հունվար-հունիս ամիսների ցուցանիշից»,- նշվում է հաղորդագրության մեջ։
Միաժամանակ հաշվետու ժամանակահատվածում 32,3 տոկոսով ավելացել է գինու արտադրությունը՝ հասնելով մինչև 2005,6 հազար լիտրի, իսկ գարեջուր արտադրվել է 7014մ5 հազար լիտր՝ 2009թ.-ի միևնույն ժամանակահատվածի 4510,3 հազար լիտրի դիմաց։
Շամպայն գինիների արտադրությունը 98,6 հազար լիտր է կազմել, ինչը 40,3 տոկոսով ավել է 2009թ.-ի հունվար-հունիս ամիսների համեմատ։
Վիճակագրական տվյալների համաձայն՝ Հայաստանում ոչ ալկոհոլային խմիչքների (լիմոնադ, գազավորած և էներգետիկական խմիչքներ և այլն) իջել է 1,4 տոկոսով՝ հասնելով 16286,7 հազար լիտրի։ -0-
